02 أبريل 2007

قصيدة إهداء من الشاعر محمد فؤاد أبو نجم بمناسبة عقد قران جمال بيه

قام الكاتب الكبير محمد فؤاد ابو نجم بكتابة كلمات اغنية تشدو بها كروانة الرشاح نانسى شخرم للاستاذ جمال بيه ابن الحاج بمناسبة الاعلان السعيد عن عقد قران جنابه وقام بتلحينها محمد جمال على العود من مقام هلاهوطه كرد وسيتم بشها على فضائية العزبة قريبا من اخراج نديم لبكى



يا سعت البيه ألفين مبروك
جبنالك الشمع ودبحنا ديوك
وف كل مكان
أكلنا جعان
ودفعنا كمان للى يحبوك
يا جمال يا جمال
ألفين مبروك

يا جمال ماتقول
نيه ورغبة

ليفتكروها

الأوباش كدبة
أصل انت يا بيه
أمل العزبة
ودى تبقى أصول
حرق المحصول
بعد ما دفعنا

فيه الحسبة

ي
ا جمال يا جمال
وان جيت للحج
أنا أصلى بحبك

فوق الحق
ومن غير حلفان
راح اجول الحج
اول ما رأيتك

وسطى ارتج
قلت ده معقول
وجريت على طول
وأنا قلبى يقول
بحبك
مشغول

آه يابن الحج


يلعن خاش ابوه
ده اللى يعاندك
هانجيك زاحفين
وده مين قدك
بس انت تقول
يا شايل المحمول
والعزبة تكون

حالا عندك


دى لا فيها كسوف
اعمل معروف
اصل انا ملهوف
اخطب ودك

يا جمال بيه
ألفين مبروك
ربك والله
لاعن حاسدوك
واللى رفضوك
ولاد منيوك
كلهم لمامة

ولا فيش زيك


لا أنا عاوزه فلوس

ولا حتى جاموس

سيبونى كده ابوس

بلغة الحاج


يا سعت البيه

ألفين مبروك

جبنالك الشمع

ودبحنا ديوك

وف كل مكان

أكلنا جعان

ودفعنا كمان

للى يحبوك

يا جمال يا جمال

ألفين مبروك



هناك 5 تعليقات:

Ebtsam يقول...

شكلها زاااااااااااطت قوى مع سى جيمى جواز وتعديلات فى دستور بلد كاملة على شرف سعادته والله الراجل مش عارف يلاقيها منين ولا منين

الحاج أبو جمال يقول...

لا هو مش عارف يلاقيها من ناحية واحدة بس
الناحية اللى الناحية دى
واخده بالك يا ابتسام
يخرب بيتك ابتسامتك
بتفكرنى باحلى واجمل وارق ابتسامة
ايه سيجنال تو
تقوليش الحاجة مرات الحاج ابو جمال
ياخرابى
هتهبلونى انا والحاج

جبهة التهييس الشعبية يقول...

لا لا

القصيدة دي مش من احمد فؤاد نجم

جرا ايه يا حاج ابو جمال

يعني ضحكت علينا في نتيجة الاستفساء وقلت الشعب قال كلمته والشعب لا نطق ولا فتح بقه وقولته كلام ما قالهوش

بتقول الراجل كلام ما قالهوش ليه؟

لا صحيح

دي مش قصيدة احمد فؤاد نجم

لكن اذا كنت مصمم تهنيه

تقدر تقول له

ودولا ناس مالهاش عازة
بفلوسي انا عملوا جوازة

وكل فرحان بيهني
وانا يا عنيني مالياش عازة

اه يانا ياما واه يابا

ده عيلة واطية ونصابة

والليلة جاينا نهنيكوا

هاتوا الفلوس اللي عليكووووووو

هاتوا الفلوس اللي عليكوووووووووووووو

هاتوا الفلوس اللي
عليكوووووووووووووووووووووووووووووو

الحاج أبو جمال يقول...

هوبا
نوارة الانتصار أحمد فؤاد نجم مبتعرفش تقرا
يا خيبة العلام بتاع الحكومة يا عزبة الهم
اللى كتب القصيدة اسمه محمد فؤاد أبو نجم انتى مش عارفه اسم الوالد ولا ايه يا نوارة يا مهيسه
طب هاتى عقلك وامشى على رجلك هو معقول برضه الحاج بتاعنا يزعل الحاج بتاعكو فيجيب الشاعر اللى لغمط وش البيه بتاعكو بقصيد يا عريس الدولة يابو شنه ورنه، طبعا لأ وده معقول دى حتى مش اصول فى العمودية ولا كلام يجوز بين العمد الاطهار، إحنا ملناش دعوه باللى بيجرى فى بلدكم إحنا عزبة افتراضية يا عالم متدخلوناش فى حيص بيص، الله يلعن اليوم اللى دخلتم فيه البلوج بتاع الحاج، عاوزين ازمة دبلوماسية تشبعو فيها لطم، جتكم خابط منك ليها لها له

وبعدين تعالى هنا فهمينى
مين بقى دولم اللى عيلة واطية ونصابة وخو فلوس منك
اتقى الله يا شيخة وانكسفى على ملامحك
ده الحاج خيرة اخيار اليلد وأغنى الاغنياء وهاقولك حاجة جديدة لانتى ولا غيرك م الاوباش تعرفوها
الحاج يا عزبة الهم بيضارب فى البورصة
على الطلاق ولا لكو على يمين بيضارب فى البورصة

جبهة التهييس الشعبية يقول...

انت فهمتني غلط

انا باقول على العيلة الواطية النصابة

قصدي

عيلة الريس متقال

اصلهم جم يغنوا في فرح حدانا في الكفر

وعلقوا الكردان بتاعي

عرفت ازاي

ما بلاش سوء الظن ده