08 أبريل 2007

الحاج يحذر من المساس ببلوج عزبة أبو جمال أو اعاقته

سارت شائعة لا أساس فيها من الصحة بتقول إنهم هايوقفوا البلوج بتاع الحاج، لا يا بلد متخافيش، دول بيستهدفوا العيال قلالات الأدب اللى بيخبطوا فى الحاج بتاع مصر، احنا مالنا، نحن زى ما بيقول الدستور بتاعى عزبة مستقلة عن كل جهة أو ناحية أو مديرية، ارجو يعنى يكون ديه شئ مفهوم، مع انى عارف انكم عزبة بقر فهمكم فى البرسيم وبس ، إنما يعنى بفرض يعنى عيل كده ولا كده خبطه نافوخه وقاله يلعب فى عداد عمره يعنى ويجى يعمل بلوج ع البلوك بتاعى قصدى يعمل بلوك ع البلوج بتاعى، اعمل عليه زى الناس ما بتعمل، والحاضر يقول الغايب، الحاج حلف بالآتى على الطلاق م المصونة أيتها نطع أو جعر يفكر كده ولو تفكير صغنن يهوب ناحية البلوج مالا اكون مزعه نصين بالبلغة الشتوى بتاعتى، إيه هى سيبر سباس سايبه ولا سايبه ولا يمكن فاكرينها سايبه، طب يجى سى بتاع الاستئناف ده يوقف البلوج، على اليمين اعلقه جنب خيال المآته فى الغيط وخلى البهايم تخرى عليه
،

هناك 3 تعليقات:

يساري مصري يقول...

لا يا عم الحج ... لا يابا الحج
عزبتكم عزبة مستقله
متسمحش لأي قوي امبرياليه معفنه خارجيه تتحكم في مصير شباب العزبه

تحيتنا للولد جمال و مرته الجديده و اشاله يعرف يقوم بيها و ميكسفناش

بنت مصرية يقول...

لا أوقف الله لك بلوجا يا عم الحاج

viva egypt يقول...

يا ابا الحاج كل شباب ورجاله ونسوان وعيال العزبه يفدوا بلوجك بدمهم يا ابا الحاج وكمان بعتنا نجيب كافيار وجنبرى وفيجيرا وكافه شئ لزوم فرح سى جمال ويجعلنا دايمان فى خيراتك لولوولولووللوولولولوولولولولولولوى