١٧ أبريل ٢٠٠٧

رودي (خضرة سابقا) ترصد سلبيات العيزبة

ماني باد ثينجز..حاجات وحشة كتير شفتها في العيزبة، أنا مش فاهمة اللي قبلي كانت ساكتة عليها كومون..ازاي يعني؟ عموما كل ده هيتسلح.
يعني مثلا ما كنتش اعرف ان الاحوال وحشة كده في البيوتي سنترز اللي في العيزبة. أنا لمست ده ماي سلف.
تبعا أنا جمالي تبيعي مش عاملة بلاستيك سيرجري ولا كوزموتيك ولا حاجة، أنا بس باروح البيوتي سنترز عشان ابرز جمالي التبيعي، في باغي، كل العاملين في البيوتي سنتر هناك بيقولوا انهم مش بيتعبوا معايا خالس، من أول مختس زراعة الشعر، جراح التجميل، والمودموزيل بتاعة الليزر، والمدام مختسة شفط الدهون، والبنت بتاعة التاتو، كلهم كلهم بيقولوا ان جمالي تبيعي واني مش محتاجة غير لمسات بس، وانهم مش بيبذلوا مجهود معايا خالس لاني مش محتاجة.

بس المرة دي قلت مافيش داعي اختف السابو لحد فرنسا، خليني هنا في العيزبة عشان اتفركد احوالها، رحت السنتر وقاعدة بقى في السالون برة مستنية ادخل الجاكوزي، لقيت ساحبتي وحبيبتي "نوفي" داخلة مع "سوفيا" و"جيجي"، اول ما دخلوا تبعا: رودي حبيبتي الف مبروك يا روحي..انت جاية بقى عشان فرحك
مواه..مواه
قلت لهم: اهو قلت بقى كفاية سفر لباغي بقى وخليني هنا في العيزبة
راحت نوفي دحكت دحكة خبيثة وقالت: اه بقى ما انت لازم تستعدي للريسبونسيبليتيز اللي جاية.
سوفيا وجيجي: هئ هئ هئ
أنا: باردون..اسل كنت باقرا في المجازين مودوع يجنن عن البلاستك سيرجري..رغم اني مش مهتمة بيها انتوا عارفين بقى.
وهم بيقعدوا جنبي جيجي قالت: آه تبعا عارفين..ما عملتيش غير سبعة وخمسين واحدة بس
ولأني كلاسي ومتربية في مدرسة ايتون عملت نفسي مش سامعة
نوفي: قولي لي يا رودي...هو الفيانسيه بتاعك اكبر منك بكام سنة؟
أنا: انتي تديله كام سنة؟ ده فيه ناس بيفتكروه تمانية وعشرين سنة..
نوفي: هئ هئ هئ..ممكن برده..بس انا كنت سمعت انه شاف تانط وهي بتعمل دايفينج واعجب بيها ولما راح يختبها من اونكل وبقى الموكف محرج اضطر يختبك ويور دادي قال له اهي تتربى على ايدك
كلهم: هئ هئ هئ...كركر كركر كركر
ازن انا سكت كتير، لازم اوقفهم عند حدهم، انا ما حسيتش بنفسي غير وانا واقفة وباقول: جرى ايه يا ولية يا مقرحة يا بايشة يا بايرة منك ليها...هو عشان ما انتوا عنستوا قاعدين تاكلوا وتنكتوا في نفسكوا؟
نوفي: إيه ده؟ انت بتسقفي بالسابو بتاعك كده ليه؟
أنا: سابو؟ سابو ايه يا مرة يا ممحونة..ده اللي امك بتقول عليه قبقاب..مش عارفاه، اللي قبل ما ربنا ينفخ في صورتك كنتي بتروحي بيه حمام التلات عشان يفركوا الجلخ من على جتتك ويعبوه في افف ويبعتوها للبنزينة يطلعوا منه زيت عربيات وتشحيم...خشي في عبي يا اختي خشي
مدير السنتر: يا مودموزيل رودي ده مكان محترم
أنا: ولما هو مكان محترم يا مزين الحمير سامعها وهي قاعدة تلبن عليا بالكلام وقاعد تضحك من تحت لتحت ليه ....قال سنتر قال...ده انت بتقلبه بالليل معلف للبهايم اللي بتحلق لها يا اجرب
مدير السنتر: لو سمحتي يا مودموزيل نوفي امشي من وشها دلوقت
أنا: نوفي؟ دي نفيسة..نفيسة بنت تفيدة الخياطة اللي اخرها تلفق ديل الجاموسة وبعد ما لفت كعب داير على رجالة مجلس العزبة بقت صاحبة بيت ازياء فيدي..الله يرحمه...كانوا بيشيلوا قشف كعبه بالساطور...وريني باروكتك يا قرعة
نوفي: آآآآآآآآآآآآآآآآآآآآآآه
أنا: لولولولولولولييييييييييييييييي
=========
بيقولوا انها في الاوبيتال دلوقت، حسل لها تيربون في راسها
أنا ما كنتش اعرف انهم بيفتحوا السنترز للناس البيئة دي، لولا اني كلاسي كنت عملت لها مهدر في البوليس ستاشن، مش عيب إنهم يبقوا من أسل بسيت، بس لازم يتعلموا المانرز، أنا عرفت دلوقت حل المشكلة دي، أنا ح اعمل مشروع: المانرز للجميع، وممكن نترجمها للعربي: الإتيكيت للجميع، عشان يتعلموا، وبعدين لازم نحت أيتم المانرز في الباتريوت آكت بتاعنا، أوه سوري، ثانية واحدة أسأل عن الترجمة...أيوة عرفتها، لازم نحت الحتة بتاعة الاتيكيت في كانون مكافحة الكباب، اللي مش عنده اتيكيت يتحت في جوانتانمو مخسوس عشان يتعلم جوة.

عشان الموكف اللي حسل معايا النهاردة، والناس البيئة اللي اتعردت لي ما تتعردش للمواتنين التانية، وتعلمهم قلة الادب

نسوان بلدي ما اتربوش

باي فور ناو
.

هناك ١٠ تعليقات:

david santos يقول...

The language cannot be an impediment to the of clarification so that a terrorist as Bush can continue to lie


لغة لا يمكن ان يكون عائقا امام توضيح ذلك ان الارهابي بوش ان تواصل الكذب

خضرة بنوتة بابي هسين يقول...

لو سمحت مش تشتم اونكل بوش

انا ح اخدك في كورس المانرز

ibn nasser - ابن ناصر يقول...

انا شايف ان البلوج ده في تطاول علي كبير قوي قوي علي اصحاب الزريبه بس ايه ابو جمال دي ,,اومال علاء راح فين !!؟ وطبعا حطه صوره بتتريقي علي ديجه حبيبة الشعب ,,عشان عني جميله ليه كده!!؟ ليه كده !؟
ههههههههههههههه
تحياتي

ibn nasser - ابن ناصر يقول...

أه وبالنسبه للنشيد الوطني رائع

خضرة بنوتة بابي هسين يقول...

حرتك فهمتنا غلت

احنا في العيزبة مش بنتريق على حد

واسأل الحاج ابو جمال نفسه

والنشيد تأليف بلبع الرغاي حرتك

الحقني يا اونكل ابو جمال

ده عايز يتهمتا اتهامات باتلة

Azza Moghazy يقول...

معلش يا رودى اصله من الاغلبية سورى قدى القلة الموتورة
دول بقى اللى يطبق عليهم قانون المانرز بتاعك
متزعليش رودى ناس سودا من جوا

bastokka طهقانة يقول...

بتش يا روتي احنا متقبلناش قبل كده؟؟؟حاسة اننا متخرجين من طشت واحد
بس انت تخصصتي تشليق و انا رسبت
هاهاهاها
مسيبة سودة
ابقى تعالى ححتاجك ترني جوزي علكة

الأستاذ جمال بيه يقول...

يبدو أن الأخ بن ناصر يخلط مثل الكثيرين بين عزبتنا وعزب أخرى أولا لا يوجد لدينا هذا الفسل المسمى علاء أساسا فالحاج لديه إبن وحيد هو الأستاذ جمال بيه وريثه ومساعده والوزير بالدوار الأخضر ومستشاره كمان للأمن القومى
ولا تنزعجى يا خضره فاهم إسمها خضرة يا عم بن ناصر وبيدلعوها رودى وهى حتة من جوه قلب الحاج لأنها طبعا مرات ابنه يعنى
كيب ذا جود ورك رودى آند دونت جيف إنى شيت تو ذا إديوت بيبول
آه وبالمناسبة كده هو مين الأخ ديفيد سانتوس ثم إيه البصة دى يا عم إنت

ibn nasser - ابن ناصر يقول...

اه انا شايف ان كلكم عليا .. كل ده عشان .. حق علوء حبيبنا اللي هتكلو هدر دا الراجل عايش في زهد ,,اما جيمي فخلاص ديجه هتنسيه مصر ..
تحياتي

الحصان الأسود يقول...

هههههههههههههههههههههههههههههه

مش ممكن اية الكوميديا الالهيه دي

بلوج تحفة

تحياتي