٢٦ مارس ٢٠٠٧

الجماهير تتوافد للاستقراع على الدستور

عاجل من بلبع الرغاى
من أمام مقر الاستفتاء بالوحدة المحلية لقرية عزبة أبو جمال
توافد أبناء عزبتنا العامرة عن بكرة أبو اللى جابهم رجالا وأطفالا وشيوخا ونسوانا وعرايس وحمل كل منهم فى يده يافطة عريضة كتب عليها بلون الدم نعم لدستور أبو جمال وتوجهت مجموعة من المؤيدين لمقهى علوان الذى يجلس عليه المندسين الذين أمهلهم أبو جمال لبعد الاستفتاء وقامت بتدميره حتى لا ينكسر صوت القرية ولا يشق عروتها الفوقانية وقاموا بمطاردة الرافضين فى طرقات القرية وهم يرددون بعلو الصوت أبو جمال الكل فى الكل وقد حاول أبو جمال تهدئة الجماهير لكنهم قالوا له كيف نسكت على من يشكك فى جموطراتية فخامتك

هناك تعليقان (٢):

بنت مصرية يقول...

انت بتقول فيها

والله سمعتها بودانى امبارح فى الراديو

خرجت مصر عن بكرة ابيها لتقول نعم
الجملة كده مرصوصة زى ما هيا

الأستاذ جمال بيه يقول...

خطوة عزيزة يا بنت مصرية نورتى العزبة والدوار والرشاح واللى قاعدين عليه
احنا بقى يا بنتى مالناش دعوة بمصر عشان الحاج بتاعكو ايده تقيله واحنا عزبة مستقلة
وده كان مجرد مصادفة انو دستورنا يجى مع تعديل دستوركو
وده طبعا كله فى سبيل مصلحة مخدوعى الدخل