17 مايو 2007

وداعاً أبو جمال


بقلوب عامرة بالإيمان، ملؤها التسليم بقضاء الله وقدره، ننعى لجموع الشعب فى عزبة الحاج أبو جمال، وللشعوب المحبة للحاج كافة فى مختلف أرجاء المعمورة جلالة وفخامة وسمو الحاج محمد حسنى أبو جمال الذى انتقل لجوار ربه فى تمام السادسة من مساء أمس دون أدنى صراع مع المرض، ننعى رجلا من أشجع الرجال، وأجدع الرجال، قاد بلاده عبر الآنواء والعواصف وكان خير ربان لسفينة العزبة، وقد اختاره الله لجواره فى يوم مشهود قام فيه الحاج بآداء كل الصلوات وأتم الجزء التلاتين للقرآن، وتبرع لعدد من محدودى الدخل بالقرية بغذاء وكسوة، كأنما كان يعرف أنه سيلقى ربه فى ليلته، وهو العابد الزاهد الذى لم يفته فرض.


بهذه الكلمات المؤثرة نعى الأستاذ جمال ابن فقيد العزبة الغالى وعمدة قريتنا الحالى ووريث عموديتها العالى أباه فقيد الأمه الذى رحل عن تسعة وسبعين عاما، قضاها فى خدمة العزبة وأهلها منذ كان طفلا رضيعا وحتى رحل عنا شيخا جليلا.

وقد عم الحزن البلد عقب اعلان وفاة المغفور له الحاج أبو جمال، وعرض التلفزيون لقطات مؤثرة لحشود بالآلاف غالبيتهم من شباب العزبة الذين لم يعرفوا عمدة لبلدهم غير أبو جمال، الذي ظل في الحكم لمدة تناهز الثلاثين عاما، وقد أخذوا يرددون هتافات مثل لا إله إلا الله والحاج أبو جمال حبيب الله، وإلى جنة الخلد يا حاج، ومن لنا من بعدك يا حاج، وخرج المواطنون إلى الشوارع والساحات الرئيسية فيما وصفه مذيع بالتلفزيون العزباوى بأنها مسيرات تلقائية، تعبيرا عن حزنهم لفقدان الحاج، ومروا من أمام زاوية عليوه الشامي حيث يرقد جثمان الفقيد تمهيدا لدفنه، وأجهش الكثير منهم بالبكاء وفقد عدد منهم الوعي، كما خرجت الكارتات والدواب الحاملة للأفراد إلى الشوارع وقد رفعت الأعلام السوداء وارتفعت آيات القران الكريم من مكبرات الصوت فى كافة المنازل والمحال بالعزبة،

وتوجه تلامذة العزبة فى كتاب حمدان إلى الدار الأخضر في صفوف طويلة متشابكي الأيدي يرددون هتافات مثل يا عزبتنا اليوم مالك فقدتي أغلى رجالك والحاج لم يمت بل باقي معنا في الحياة

كما خرجت فتيات وسيدات ترتدين الملابس السوداء ويلطمن خدودهن ويحملن صور الحاج، في مقدمة حشود تحمل الأعلام السوداء

هذا وقد أعرب شعب العزبة على الفور عن تأييده لجمال نجل الحاج الراحل رحمه الله، فقد خرج الجميع يرددون هتافات بالروح بالدم نفديك يا جمال وشد الهمة يا جمال كلنا وراك رجال

وكانت محطات التلفزيون قد أذاعت في وقت سابق جلسة مجلس الركش التي تلا فيها رئيسه أبو شرور نعيا للحاج وعرض اقتراحا بتقليد الأستاذ جمال العمودية فورا، وهو ما وافق عليه أعضاء المجلس بأغلبية ساحقة

وظهر عدد من الأعضاء ينتحبون بشدة أثناء إلقاء أبو شرور للنعي. كما أذاع تلفزيون الجميزه مرارا برقيات العزاء التي أرسلها رؤساء وعمد العالم للإعراب عن حزنهم لوفاة المغفور له أبو جمال وتأييدهم لإبنه من بعده، وأعلنت العزبة الحداد العام فى كافة المصالح والغيطان لمدة أربعين يوما، ومن المقرر إجراء مراسم جنازة الراحل اليوم بعد العصر، وتقول مصادر عزباوية مطلعة إن الحاج سيدفن على قمة قرافة زنار الاعرج المطلة على حوض العلاونه إلى جانب نصب الجندي المجهول، أي أنه لن يدفن كما كان مقرر في بلدته محلة مكلوم كما كان متوقعا

ردود فعل دولية

وأثارت وفاة الحاج ردود فعل دولية واسعة النطاق إذ قدم الرئيس الأمريكي فاكن إيديوت العزاء لأفراد أسرة الحاج خصوصا المصونة ولشعب العزبة المكلوم

وقال إيديوت في بيان صدر عن البيت الأبيض إن نبأ وفاة الحاج قد أحزنه شخصياً، وإن الحكومة الأمريكية تتطلع لمواصلة العمل مع حكومة العزبة الجديدة بقيادة جمال بيه من أجل تحقيق السلام الشامل في منطقة العزب الشرقية

وفي إسرائيل ذكر بيان أصدره مكتب رئيس الوزراء نتانة حزقيل أن الحكومة الإسرائيلية تتفهم حزن أهل العزبة الجارف على وفاة المغفور له الحاج أبو جمال الذى كان صديقا للدولة العبرية، وأضاف البيان أن إسرائيل سعت في الماضي لدعم العلاقات معه، وأنها ستواصل عملها من أجل مزيد من هذا التعاون البناء مع الحكومة الجديدة بقيادة نجل الفقيد فخامة العمده جمال بيه

وقال رئيس الوزراء البريطاني دوجى بارك إن العمدة الذى لقب عن حق بحكيم المنطقة الشرقية كان من عوامل الاستقرار في هذه المنطقة، وإنه حظي بالاحترام فى داخل العالم العزباواتى وخارجه،

وفي جميع العزب الشرقية قطعت محطات الإذاعة والتلفزيون بثها الاعتيادي لإعلان نبأ الوفاة، وتقدم قادة العزب بالتعازي، فوصف عمدة مطاعن السو وفاة الحاج بالكارثة على بلاده، وأعلن الحداد الرسمي لمدة سنه

وفي شبرا النمله قال السكرتير العام لجامعة العزب عزت عبحميد إن الحاج كان من أبطال الحرب والسلام الذين كرسوا حياتهم لخدمة الأمة، وللكفاح من أجل استعادة أرض الحوض الشرقى وأرض عواض

وأبلغ العاهل الكومبرى الحاج عبد الله تعزية شخصية أثناء مكالمة هاتفية أجراها مع نجل الحاج أبو جمال أعرب فيها عن بالغ تعازيه هو وبلاده فى وفاة المغفور له محمد حسنى، وأعلنت كومبره الحداد لمدة أربعين يوما

وبعث التعازي أيضا رئيس السلطة الفلساوية، الذي كانت تربطه بالحاج علاقة وطيده عكس العلاقة المتوترة التى ربطت الحاج بسلفه، وأعلن الحداد لمدة ثلاثة شهور

وفي ميت سخام أعلنت الإذاعة الحكومية نبأ رحيل الحاج دون تعليق، في حين وصف التلفزيون الجروانى الحاج محمد حسنى بالمناضل العظيم ووفاته بالخسارة الضخمة للشعبين الجروانى والأبو جمالى

وفي سندنهور الكبرى ذكر بيان أصدرته الحكومة السندنهورية أن الوحدة المحلية بسندنهور وجميع العاملين فيها تشاطر الشعب الابوجمالى الشقيق حزنه العميق، وتعهدت قيادة سندنهور بالوقوف إلى جوار الشعب العزباوى ومن يختاره لخلافة العمده الراحل فى إشارة قوية لدعمهم للأستاذ جمال

وصدرت بيانات العزاء في كل من طما ونوى ومحلة مكلوم وطناش والغريانية وعزبة شلبى وسخا وكفور الذل وإيطاليا وفرنسا والصين والرئاسة النمساوية للاتحاد الاوربى

وفي موسكو أعربت الحكومة الروسية عن حزنها لوفاة الحاج وأملها في ألا تؤدي وفاته إلى انهيار عملية السلام في منطقة العزب الشرقية التى كان هو بشخصه سندها وداعمها

هناك 51 تعليقًا:

مليجى يقول...

طب ليه يا حاج فوتنا وخلعت كده، دى برضه أصول
ع العموم إلى الجحيم أو إلى الجنة حتى بس المهم إنك فلئت وغورت
ويعيش جمال بيه
بتاع المستقبل

zenzana يقول...

ايه دا هو مات؟
انا كنت فاكرة انه مش بيموت زي البشر، شكله بطل يتجلي، كنت فاكرة انه متبرع بالعمل لوجهه انه هينقل افراد العزبة نفر نفر الي الاخرة
يلا الله يكحت اللي ف بالي

demagh يقول...

7elwa asamy welad seten kalb elly enta e7'tara3taha de?
nefsy el mawdo3 da yob2a nebo2a menak
we ye7sal begad

CÆSAя DIABLo يقول...

لأ لأ لأ لأ
لأاااااااااااااا
الحاج ابوجمال ما متش
الحاج ابو جمال لا ممكن يموت
ده هيوه اللي لينا من ساعة ما جينا الدنيا دي
انا فتحت عيني وهيوه عمدة و هموت و هيوه عمده
هنروح فين من بعدك يا حاج
خخخخخخخخخخخخخخخخخخخخخخخخخخخخ

اتفضل عندنا يقول...

Eftakart elkalam begad we kont hawaza3 7aga sa23a 3al nas hena fe Canada:)

Yala ma3lesh....yemken elmara elgaia teseeb

spellz يقول...

لااااااااااااااااااااااا ماتموتش وو تسيييييب ولااااادككك
خضرة و جيمى والحاجة خدهم معاااكك
يا سبع العزبة يالى مافيش راجل من بعدك يملى الكرسى

دانتا كنت واردة مفتحة فى عز شبابك
ده مكانش فى شعرك ولا شعرة بيضة
دنتا كنت نوارتنا و كبارتنا


طب لو الحاج أبو جمال مات مين هيرد
بداله فى الكومنتات؟ أنا كنت باحبه يرد :(

تصدق بالله لما قريت الخبر افتكرت ان
الحاج الأصلى بتاعنا مات
الله يسامحك أنا صحيح عمرى ماتمنيت موت حد بس فرحت

spellz يقول...

مسخرة ماطرح ماهو عايز و فاكن ايديوت
بس ايه كانت هنا عزبة الحاج
اوعى تكون ناوى تقفل العزبة
:@:@:@:@!!

الأستاذ جمال بيه يقول...

يا أبناء شعبنا العظيم
إن كان أبو جمال مات
فكلنا أبو جمال
---
مليجى الحاج لم يخلع لقد اختاره ربه لجواره وكمؤمن عميق الايمان لبى النداء رغم ان صحته كانت بمب وبينى وبينك كان غيران وعايز يتجوز لكن القدر لم يمهله
----
يازنزانه أبو جمال مات بسبب نق اللى زيك
----
يا دماغ إنت تؤمر يا معلم ومن ده كتير بس ياريت تبقى تعملولنا بوليكه كده قدام الصوان ليقولو علينا عزبة نص لبه
---
يا سيزار يا دياب الحاج ماكانش بيطيقك بس انا عصرى مختلف
متعيطش وفر دموعك المرحلة الجاية محتاجه لامثالك من ابناء العزبة الشرفاء بس شيل دين ام الحديدة اللى فى حاجبك دى
----
مش عايز اتفضل عندكم يا اتفضل
---
سبيلز
انا مش عايزكم تنتحبو كتير عايزين نكمل على خط سير الحاج ووفق منهجه لتظل ذكره ماثلة وحاضرة وروحة تعشش بيننا

zenzana يقول...

بما انه ربنا كرمه بسبب نقي
سيادتك ناوي تعيني ف منصب ايه؟ علي سبيل المكافأة بس خلي بال سيادتك يا أمل المستقبل انا بشتغل مع جمعية القدم الساخنة اللي تم أنشائها علي طول في ديل جمعية امل المستقبل بتاعتكم بهدف المساندة والتعجيل بمجئ المستقبل ممثلا فيكم.

بما ان سري باتع يا تري باقي العائلة الكريمة مصيرها ايه؟ طبعا مش بقصد ديجا هانم :)

اتفضل عندنا يقول...

انا مش عارفه انت قارش ملحتي ليه بس عامة كله من ذوقك يا جمال باشا

oOo_Mariam_oOo يقول...

يا مسهل يا رب أقرا الخبر ده في الأهرام قبل ما موت.....دي بشرة خير ههههههههه

واحدة متفزلكة يقول...

7asah eno rage3 tany o de khod3a
ew3a lma ye7sal begd ye2olo 3aliek gasos le 3azra2iel
aslha moda

shaimaa يقول...

خلاص كده؟؟؟
رحت ياحاج وسبتنا لوحدنا؟؟
والله صغيير صغير ع الموت ياحاج اتخطفت والنبي
بس الحمد لله اسم النبي حارسه وصاينه جمال بيه موجود عرفت تربي وتكبر والله ياحاج
وميحرمناش منك ياجمال بيه

غير معرف يقول...
أزال أحد مشرفي المدونة هذا التعليق.
الأستاذ جمال بيه يقول...

يا أبناء شعبنا العظيم
أرجو من المتشائمين إنهم ما ينساقوش ورا تشاؤمهم، الحاج كان راجل دوغرى صحيح بس كان شويه متأثر بثقافة الفلاحين وعشان كده معرفش يخش بينا الالفية، عصلجت معاه الكارته وقفش العجل والحصان اتكحول وظللنا أكثر من ربع قرن بحاله نحاول دخول الألفية ومعرفناش
---
أنا لما جيت قلتله يابا الحاج دخول الألفية مش صع واسمع كلامى وماما الحاجة المصونة أيدتنى وعملت معاه نمرة جامده وغضبتلها يويمن وانطر الحاج يرجعها ومع رجوعها خدت قيادة السفينة وشكلت قعدة السياسيات اللى ماخفيش عليكم كانت طالعه من عينه ومتاخده من تحت شنبه
---
أنا بقى محضر خطة عمل طويلة الاجل أنا واصحابى والست حرمنا بنت بابى ابو حسين عشان نخش الألفية دون تعثر
---
محتاج تأيدكم
وفيه قرارات مهمة هاتتاخد بعد ماتنفض وليكة العزا والذى منه
قرارات مصيرية ومفاجئه للجميع
التجديد هو شعار المرحلة اللى جايه
---
استنونى
العزبة مستمرة
عاش شعب العزبة العظيم

واحدة متفزلكة يقول...

wad ya gamal ethad estana le ba3d ma abok yerb3an ya wad...2alby 7ases eno rage3 tany
o el ne3ma hatetla3 khod3a

يساري مصري يقول...

:S u deleted ma comment :S
WTF is goin on howa el 3ahd el geded keda walla ehhhh :S

Zeinobia يقول...

الوداع يا أبو جمال
كده برده نقول ايه بس
الست رودى وشها عسل على العزبة
جمال بيه سؤال لوكالات البلح العالمية و انا اسفة لان الوقت مش مناسب
بس الفنانة العالمية بى بى اتهمت الحاج باتهام بشع فى حق الحيوانية و هو معاملة كلاب السكك معاملة باطلة
فما ردك على هذه التمهمة البشعة فى حق الوالد خاصة انها بتشنع على تاريخه

قنديل يقول...

وقد أعلن حزب التحرير مسؤليته عن مقتل الحاج ويتوعد لمن تسول له نفسه تسلم السلطة من أسرة اللا مرحوم أن يلقي نفس المصير المأساوي وأنه لن يتنازل عن تنضيف العزبة وضواحيها من كل مطاطي خاين

إنتهي البيان

بنت مصرية يقول...

ابويا الحاج
عاااااااااااا

انا اتولدت واترعرعت فى عزبتك يا حاج وانت عمدتها
انا فتحت عنيا عليك
مش هقدر اعيش فيها ثانية واحدة من بعد يا حاج

خدنى معاااااااك
خدنى معاااااااك
عااااااااااااااااا

غير معرف يقول...

كلمة رثاء

للفقيد الغالى ابوك الحاج اللى راح اونطة نسوق الاخبار الحلوة اللى بتوع السياسات والمستقبل نشروها

اهم خبر يا اهل العزبة ان عزبتكم تستورد قطن من اسرائيل اى واللة الخبر دة قريتة الصبح ويظهر ان العزبة بعد ماكان كل شغلها القطن وبتصدرة للدنيا كلها وشهرتة كانت فى السما يظهر ان المثتثمرين بتوع الشرم اقترحوا على ابوك الحاج اننا نصدر جاتوة وبلا قطن بلا قرف ويمكن واحد ظريف قدم دراسة جدوى ان تصدير اقراص الجلة تحل مشكلة البنزين فى امريكا
الخبر الثانى من بشائر الفكر الجديد ان بنك اسرائيلى استحوذ على بنك اسكندرية
واللى حصل ان الجحوش والحمير فى زريبة ابوك الحج بيقولوا واية يعنى دة استثمار رد الجدى اللى اكل التحميصة وقال دة مش استثمار دة استحمار

الفاتحة على روح ابوك الحاج كبير عزبة سابق

عادل ثابت

الأستاذ جمال بيه يقول...

يا شعبنا العظيم
محبتكطم لوالدنا الغالى جرحت قولبنا وخليتنا نس قد ايه فقدنا السند
بس هو ده حال الدنيا ولا دايم غير وجهه
---
يا متفزلكة
فضك م الفزلكة الكدابة أبويا أنا مغسله بإيدى ونغزته بمسمار عشره سنتى عشان ليكون بيستهبل ومقلش أى
وحطيطه ف النعش بإيدى وربطت عليه الكفن كويس ومرضيتش ينفك فى التربه عشان لو بيستهبل يفطس وصبيت مسلح بدل باب التربه وحاطط اتنين غفر ببنادق على الباب ومديهم أوامر واضحة لو لقيته حركة مريبة هنا فى التربة دى اضربو فى المليان
متوغوشيناش بقى وتقولى راجع الله لا يسيئك
----
يا يسارى يا مصرى يا نتن طب ليه ماضى مجهول، كت عارف انو انت الجعر اللى عمل الكومنت المهبب ده
احترم نفسك واوعاك تظن ان عصر الشمط فى زريبة الحج ولى من غير رجعه، الزريبة موجوده وروح الحاج بترفرف عليها
----
مقتل حاج ايه يا قنديل افندى، يا عم البتاع بطلو الهباب اللى بتستعطوه ده
----
بى بى يعنى شخه ولا إيه مش فاهم يعنى يا ست زنوبيا، إحنا منضربش كلاب السكك غير بالبلغ الفقوسى لا مؤاخذه
----
بت يا مصرية خلاص سد يا بت قطعتى قلبى
----
مالها إسرائيل يا عادل يا ثابت
مش برضوك عزبة زيينا ولا عشان يعنى يه
ماهم اليهود دولم ولاد عم
اللى بناتنا بس هو اللى المرحوم السادات عليه رحمتو الله سماه الحاجز النفساوى
احنا بس نعدى م النفساوى ده هاتلاقينا حبايب طوالى ودولم على فكره يعنى اهل كرم وانى حبيت معاملتهم
اى والله حبيت معاملتهم ال دولم تقولش رباية عليوى"، واللى فى ايدهم مش ليهم، جونى وقالولى يا حج انت البركه وعاوزين تعاون، قلتلهم الله هو انى منعت التعاون، قالولى الحج كان يعنى بيراوغ، قلتلهم على الطلاق من رودى بنت المدعوق ابو حسين الحج رحمتو الله عليه كان بيحبكم بس كان يعنى بتحصل منكم كدهه فضايح وبتقولو اللى بيتفق معاكو عليه سكيتى وده كان بيحرجه يعنى وسط العزب الشرقية ما هو اصله كان عامل زعيم المنطقة، اما انى فمنياش دعوه بالبوليكه دى من بابها، لا زعامه ولا دياولو أبجنى تجدنى يابن ولدى
---
عاش شعب العزبة العظيم

Dalia Ziada يقول...

لالالالالالالالا
بجد؟ أنا لحد دلوقتي مش مصدقة عيوني

=(

BeLiEvEr يقول...

بليفر إبن أبو بليفر
يتقدم بخالص العزاء للأستاذ المتنور "جمال إبن الحاج ابو جمال" فى وفاة والد سيادته، زعيم عزبتنا
قائد الطلعه الأولى فى العصرية
القائد الملهم
"الحاج أبو جمال"
أسكنه الله فسيح جناته
و نتمنى للعزبة فة عهده الجديد المزيد من الإستقرار و الرخاء"ومحش يستظرف و يقلب الراء و الخاء، ماشى؟"م

غير معرف يقول...

طيب اللة ثراة


العزبة زعلانة قوى وما بتبطلش عياط وخصوصا لما الواد المذيع ابو شعر مسبسب ابن الست المخرجة سابقا اصل الحكاية فى العزبة دى ان كل واحد بيورث وظيفة ابوة امال اية تقدم بقى المهم الحاج ابو احمد كان فى الجيش عسكرى مشاة ياولة وكل ما يسمع المذيع يقول صاحب الضربة الجوية يعيط هو الاخر ويقول ياسنة سودة يا اولاد امال صاحب الضربة الجوية والطيارات بتاعتة كانت فين يا ولة لما الجيش التالت اتحاصر وما كنش لاقى الاكل
يا خبر اسود بعد الطلعة اياها فص ملح وداب واللى مات مات واليهود جم على طريق السويس ياولة انت دفنت ابوك الحاج يا ولة
بعد الاربعين هتطلع كتب تطلع فية القطط الفاطسة والواد حسنين ابن ابو هيكل الجورنالجى محضر حتة كتاب زى خريف الغضب اسمة عجائب الزمان فى المماليك والخصيان

اقروا الفاتحة لابوك الحاج

فرقة لم الدودة
سالم سليمان

Epitaph يقول...

la elah ela Allah

wala dayyem ela wageh Allah

ra7metak ya Rab!!

7'eir bey2olo mot el 7ag el kebeer 7'eir

aftaqed aba el 7ag abou gamal bi shedda :((

la momken abdaaaaaaan!

Bella يقول...

إلى حيث القت ياقائد الطلعة الجوية

وربنا يخلي لنا المحروس قائد الطالعة برضه

بكرة تشوفوا يابلد إن ماكان وزير إعلام العزبة ينسب نصر اكتوبر للننوس الصغير

ههههههههههههههههههههههههههه

bahry يقول...

الي الاستاذ جمال بيه المتنور الوحيد في الكفر كلاته
ايه الناس اللي مش حسيسة ديه وعملين يقولوا علي الحاج صاحب الضربة الجوية
هما ميعرفوش انك انت صاحب مشورة الحرب اساسا
اه صحيح ساعتها سيادتك كان عندك بتاع 10 سنين بس كان عندك ذكاء مبكر
حاجة رباني كده
هماالهفء دول ميعرفوش امجادك ولا ايه؟؟
العالم ديه عايزه تتربي من جديد في عهدكم برضه الجديد
عشت للعزبة اماما وزعيما وكبيرا ومسؤولا وقائدا وعقيدا ولواءاواستاذا ودكتورا ومهندسا وعالما وفنانا ووووو

من ميدان نافق تعيش
بحري القط سرايا محمد علي
نيابة عن كل صحفي الموالسة الحرة

محمد يقول...

من قائد حكيم إلى قائد حكيم
تحيا العزبة

Zeinobia يقول...

يا جمال بيه ما هو ردكم على محاولات ابناء العزبة فى الشمال اللى رموا صورة المرحوم و قالوا يا احنا يا الصورة !!

.:.-=- ELGaZaLy-=-.:. يقول...

همممممممم


كُلُّ نَفْسٍ ذَائِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ [الأنبياء : 35]

يساري مصري يقول...

هع يابو جمال يابن الحج المتدلع

اللي كان عرف يعمله ابوك غبقى اعمله انت

و ولاد ابو عيسى بيحتفلوا و بيجهزوا للاحتفال الاكبر و مشيعتأوك في حالك
هيهع هيهع

che husam يقول...

ماااااات هئء هئءء
سحسوح واخدينك ورايحين على فين يا حبيبى
إبقى خلى بالك من العزبه يا سوسو

zenzana يقول...

واخدينه يفسحوه في جهنم وبالمرة يدي كورس في الاستبداد والتسلط وقريب هنسمع ان فوق في انقلاب علي النظام

ضد الظلم يقول...

يلا هوىىىىىىىىىىى يا عزة مصر من بعدك دلوقتى بس هنحس بكرامتنا اهىء اهىء اهىء متسبناش هنرجع للريادة تانى يا ابو جمال ونقود الامه العربيه

واحد من اعداء مصر بيعيط على ابو جمال

يا نصره الغلابه من بعدك
دلوقت الغلابه صوتهم هيطلع
هنكسب تانى اذاى من بعدك
يا مخصخصنا
رجل اعمال بيعيط على الحج ابو جمال

وحكم القدر ان يرفع اللواء بعد ابيه انه جمال
انها وافق على حمل المسؤوليه
ومن غيرك فى مصر احق بها يا جمال

واحد م ع ر صحفى تبعهم

hamada يقول...

ولاعزاء لأفراد العزبه

غير معرف يقول...

ابوك الحاج

دكتور من العزبة راح مؤتمر فى بلاد الخواجات والدكاترة قعدوا يعددوا انجازتهم -- الدكتور الانجليزى بتاع الخواجة بلير بيقول اية انة فى بلادهم نجحوا انهم ينقلوا مخ من راس انسان لراس انسان تانى والاثنان عاشوا وبقم كويسين خالص رد الامريكى بتاع بوش وقال ما هذا يا انجليزى احنا نقلنا مخ انسان ميت لواحد مريض ونجحت العملية
الدكتور بتاع الوحدة الصحية بتاع العزبة قال لهم كلة سكوت دا لعب عيال احنا فى العزبة شلنا مخ واحد مريض وزرعنا فردة جزمة قديمة فى راسة
رد الامريكى والبريطانى فى نفس واحد هية وعاش
رد دكتور الوحدة الصحية هية وصحتة بقت زى البمب وبقى رئيس جمهورية

تحية لدكاترة الوحدة الصحية فى العزبة وارحمة لابوك الحاج

جون مراد

zenzana يقول...

جون مراد

عيب كدة الجزمة دلوقتى ممكن ترفع قضية تعويض ورد شرف علي العزبة بسبب حدوتك دي لان راسه الله يكحته كان فيها فردة بولغة مش دزمة
بلاش الاخبار المغرضة دي بامكانيات الحج وقطع غيار دماغه الفللي

Ahmed AL-Hussany يقول...

لا اله الا الله
وحدووووووووووووووووو
والله هتوحشنا يا حاج

ibn nasser - ابن ناصر يقول...

يا للأسف ...بس ده امريكا وروسيا بيعزوا افتكرت اننا هنبقي اخر الحضارات!!
تحياتي

غير معرف يقول...

دوار العمودية
الدوار بتاع الحاج اليومين دول بينش اصل مش لاقى حد ييجى يجتمع معاة كان الدوار بيبعت كل شوية لعرفات تعال بسرعة اقعد مع العمدة علشان المصوراتية ياخدوا كام صورة والحاج يطلع فى التلفزيون بقى والناس تشوفة وبعدين الاخوانجى هنية مربى دقنة والحاج بيخاف من الدقون وبيروحوا يجتمعوا هناك بعيد عن الدوار فى السعودية والعملية بقت مشخرمة والحاج بيفكر انة يروح كل شوية يحضر افتتاح محكمة عسكرية واللة يشوف معسكر امن مركزى ما هو برضة هيطلع فى التلفزيون واخر افكار الحاج انة هيحضر كل المباريات علشان كل الفرق تتغلب اربعة صفر


السيد السنفرى

غير معرف يقول...

الحاج والمايوهات


الحاج فى الشرم بيدلع نفسة شوية اصل الحاج بيحب يشوف المايوهات الخواجاتى على الشط اللازوردى وخصوصا اذا كان مايوة مسخسخ شوية ودة طبعا لزوم العمودية ومتطلبات احتياجات العزبة وبعدين الشرم مليان بالمراقص والحاجات اللى ترجع الشباب زى الروسيات والاسرائيليات
اما بلاليص العزبة واخبار دود المش والالاضيش خليهم زى ما هم يشربوا مية البرك ويجليهم تلوث ويروحوا فى ستين داهية
يا ساكن الحدود جنب اولمرت وباراك هنية لك ياعم انت فى اجازة مفتوحة على طول امال اية مش عزبة بقى
فى زمتك يا حج مش انت فى اجازة مفتوحة والعزبة من غير عمدة غير شوية الغفر
هيص يا ابا الحاج بايضة لك فى القفص

ا مصطفى حسين

NegativEffect يقول...

bas by2olek ya 7aga omo sayno w 7arso w 7afdo gamal ana wasalni men

masader 3'er mwsok men masdarha melwad to7a eli fel ahwa eli 3ala awel

el3ezba men gnb elter3a shmal ...

engezi ya 7aga faw2eya warana sho3'l w 3eyal 3yzen nbnelhom

most2blhom...

7ader gayalek fel kalam aho... by2olek en eli mat da elshabeeh bta3

el7ag eli kan byst7'dmo fel monsabat el3a2eleya zay tohor elwad wa2el

ebn abo 7adeda men shahren keda... w 2al a fata7o eltorba 3shn y3melo

t7lel DDK ml2osh el7ag...

walahi esha3at ya 7aga mnti 3rfa elesha3at malya el3ezba...

fakra ya 7aga el7war eli 7asa ben l 3ezab elbaraneya lama abo lamy

darab elshagara eli odam bethom bel fas waga3ha w ra7o ydawaro 3ala abo

lamy f 3ezbet ellamaweyan 3rfha eli feha elshe7' morgan d ml2ohosh 2alo

ydawaro 3aleh fel 3erak ... 2alek eno mat w rabena etwafah w l2yoh b3d

keda byb3at 7ezam fegl le wkalet elfetera el3ezabeya ...

غير معرف يقول...

رحل صاحب الضربة الجوية

وأتى من بعدة

صاحب الإنطلاقة القوية
في بيزنس المهلباتية

و تعيش لجنة الهيافات المنبثقة عن الحزب الوثني اللواطي

غير معرف يقول...

خبر اسود
القرع والكوسة والبدنجان الاسود انتاجة فاض وزاد وغرق العزبة والكفور اللى جنبنا وكل دة بفضل حكمة وحناكة اصلة محنك قوى بتوع لجنة ووكوسات وسياسات الحزب الوتنى
انما اللى محير الحاج مصطفى وهو فلاح قرارى من العزبة انة لية اللحمة بقت ب 40 جنية
الواد الدلدول بتاع زريبة الحاج مصطفى قال يا ابا الحاج اللى خللى اللحمة ب40 جنية بتوع لجنة السياسات
كلهم عاملين مزارع تسمين عجول وبينزلوا الاسواق بتاع البهايم يلموا العجول الصغيرة ويخدوها على المزارع ويسمنوها ويفرضوا السعر اللى هما عايزينة على الجزارين واللى عاجبة من اهل العزبة يشترى اهلا وسهلا مش عاجبة يروح فى ستين داهية
اللحمة بقى لها مليشيا والقمح المسرطن لة مليشيا والعزبة بقت كلها مليشيات
وربنا يجعلة عامر
ولا تنسى قراءة الفاتحة على روح الحاج الكبير

فلاح فى زريبة الحاج

غير معرف يقول...

الحاج يموت ليه أنتم فاكرينه زيكم بشر.

Shark يقول...

طب ونصيب علاء فى التركه وصله ولا لسه ؟
وياترى الست الحاجه هتعيش مع مين بعد الحاج ؟
بجد الواحد قلقان على مستقبل العيله من بعدك ياحاج هيلاقوها منين ولا منين ؟ المعاشات فى الأرض والعيشه كرب وهكذا يستمر مسلسل المعاناه
جتنا نيله فى حظنا الهباب

ghalia يقول...

عااااااااااا
يعنى خلاص مات؟
متأكدين؟
أنا مش مصدقة
إهئ أهئ إهئ
الراجل اتخطف
لسه ما اتهناش بال 6 سنين اللى غير الدستور عشانهم

Shark يقول...

ياللا الله يكحمه مطرح ماراح كان ابن جزمه

غير معرف يقول...

كنا نتمنى ليك حسن الخاتمةذ

ايمى هانم يقول...

مع السلامة يا ابا الحج النبى هتوحشنا انت والبية جمال باش العزبة هتضلم من غيرك