٢٤ نوفمبر ٢٠٠٧

لا تعذيب ولا دياولو



بيان هام من الحاج حبقه العوطلي

علي الطلاق ماني فاهم حاجه م اللي بيقولوه العالم النتنه ولاد الصرمه دولم اللي سارحين ف كل مطرح يلسنو عليا وعلي فخامة الباشا الحاج

آني مش عايز اقل أدبي وادحدر لمستواهم دولم عناصر فاقده الوطنيه والمروه وبيقودوا حمله مشبوهه ومتموله من ولاد ابو سماعين اللي طردناهم السنه اللي عدت م العزبه بعد ما كلو الطريحه اللي هي
منضميلهم الواد الجعر ابن ابو عيسي وعندي التسجيلات ماني مراقب كل همسه ولمسه فيكي يا بلد ولا ابقي خرنج ونايم ف الطاطوره ام مهلبيه
اني علي الطلاق ما عذبت حد
ولا رجالتي يعرفو حتي ينتفوا ريش فرخه
احنا ناس مسالمين
مهمتنا حماية العزبه ومستقبلها م الغشوميين اللي بيستهدفو استقرلنه وتقضومنه
ومن ناحية الجدع اللي سلم السر الالهي واحنا بنحقق معاه فده مش دليل يعني علي اننا بنعامل شعب العزبه معامله مش ولابد زي ما بيقولو المداعيق ولاد الجزمه دولم
طب وراس الحاج ولا ليكم عليا يمين الوله مات من انفلوزا الطيور
ايوه هي انفلوزا الفراخ دي اللي ودرته
الوله سريح بيبيع فراخ وبيعاشر الفراخ وبينام معاهم ف مطرح واحد ولما عكمناه الاسبوع اللي فات بتهمة البيع بازيد م التسعيره كان سخن ويخطرف ولسن وخبط ف الحاج والمصونه وقال كلام مش ممكن ينقال يعني
فاني اوامري لرجالتي واضحه اللي يمس العمده يبقي ملهشي ديه والعيال يعني كانوا حنينيين معاه رقعوله صداغه وزقلوه ف الترعه
بس ربكم الحق رجع علي رجله لبيته
وهي يومين واعراض انفلوزا الطيور بانت عليه
اشي كحه واشي عطسه واشي نفسي هفاني علي سريس وحب قمح ومسقة ميه
لقوه بعد اسبوع ف عشة الفراخ خلصان ومسلم الروح للي باريها
طب ليا اني دخل ف الاعمار
نكفر بقي ونقول كلام فاضي من ده ولا نسلم بالقضا ونقول ونعم بالله

كلام نهائي يا عزبه
اني باراقب الكل وماحدش يقدر يضحك علي يعني الظابط ولا العسكري ولا المخبر ولاا الغفير النظامي ابو حديده ده ميجرؤش مخلوقن خلق فيهم يجي كده ولا يعمل كده من غير ما اشوفه
واني ما اكدبش ولو السيف علي رقبتي
علي الطلاق مره عاشره ما حد انعذب ولا بهدلنا كرامته
كلها حالات فرديه
وميه من عشر تلاف ف العزبه مش رقم يعني
واللي ماتو م الكوريره السنه الي فاتت اكتر م اللي فطسو ف ايدينا
طب تسيبو الكوريره وتمسكوا فينا
طب يرضي مين ده يا عالم
حسبي الله ونعم الوكيل

هناك ٢٢ تعليقًا:

يساري مصري يقول...

امال يابا الحج الواد ابن بهانه العامشه اللي لقيو جتته مرميه في الترعه الشرجيه
مين اللي ضربه و رما جتت الواد الغلبان ؟
مش الغفر بتوعك يردك يابا الحج
-----
إمضاء

اليساري العزباوي

الأستاذ جمال بيه يقول...

اتنيل على عينك يا جعر انت
أولا اللى كتب البيان يا اعمى القلب والنضر عمك حبقه العوطلى وما ادراك ما حبقه العوطلى
حاجه كده زى نار الله الموقده
والراجل أكد وكركر وعاد وزاد وحلف بأيمانات المسلمين والنصارى والهندوز كمان انه ما بيعذبشى

طب يا سى الفتك انته
يعذب ليه وزريبتى موجوده والشمط مالهوش مثيل
تنشمط وتخرج صاغ سليم ولا تتعذب وتخرج كل حته ف ناحيه
الشمط ارحم
واهو بيكسر العين والمناخير من غير ما يعور

الترعه الشرجيه دى اخت الحقنه الشرجيه
سؤال يعنى احسن انى مش مستوعب كلامك ياد يا اللى يجيلك خابط فى نافوخك وينكسر حقك قادر يا كريم

ابن بهانه ده عيل نجس وعليه احكام ومشاكله كتير جالنا بلاغ اولت امبارح انه منتحر فى الترعه
ايوه منتحر
هاتسألنى بفتاكتك ومخك النور وعرفتم منين انه انتحر
هاقولك يا نور
الواد لقيناه معلق فى رقبته حبل ولقينا حته م الحبل متعلقه ف حرف الكوبرى اللى بيعدى الترعه ناحية عزبة ابو معمر واستنتجنا انه حاول ينتحر ولف الحول حولين رقبته وربط طرفه ف طالطوار الكوبرى ونط بس من تقله الله يكحمه الحبل ما استحملش فانقطع بعد ما كسر رقبته جاك كسر قبتك على رقبته

لقيناه بدى الحال
عمه بقى النتن زيك كده ماشى يلسن قال ايه كان مقبوض عليه حدانا وخرج من عندنا خلصان ورجالتى رموه ف الترعه عشان يخفوا معالم قال ايه الجريمه

طب ده كلام يا عزبة وسخه ياللى مايلمهاش ابوزعبل بحاله

انى ماقبلشى على نفسى الكلام ده ولا اقبله على رجالتى
احنا نشمط
نرقع اصداغ
نكهرب
نعلق على الشباك
نمد بالفلقه
نرش بميه ساقعه ف عز البرد والمحبوس نايم
نهدده باغتصاب امه ولا اخته ولا مراته
نتف على خلقته ونسب دين اللى جابه
نأكله خراه وصنته
نخلع ضوافره بالكماشه
نلسع ضهره بالكرباج
نحرق ختمه بولاعه سخان صينى
نخلى العقارب تقرصه
نسلط عليه كلب سعران

أى حاجه مندى
انما نموت
لا والف لا
انى راجل مؤمن وعارف ربنا
وعارف ان القتل حرام وظلم
والظلم ظلمات يوم القيامه
ربنا يبعدنا عن الظلم قادر يا كريم

spellz يقول...

تاريخ العيزبة فى التعذيب أبيض و نضيف و فل الفل
ومحادش ينسى دور الحج الكبير الله يرحمه فى وضع حجر الأساس لمعاهدة جنيف فى معاملة الأعداء و الأسرى

و الواد الى مات ده انا كشفت عليه و هو مات الفلوزه فيعلآ
و حبقة راجل و هيفضل راجل محترم و كلامه على قده

معليش يا استاذ جمال بيه الباشا امسحها فيهه
دول مغرضين عايزين يعرقلوا مسيرة الكبارى و الأنفاق الى بدأها الله يرحمه

حسن ارابيسك يقول...

الاستاذ جمالالبيه
اه ياعم الحاج .. ياعم الحاج
واللهي براوه عليكي يا عم الحاج انك قدرت تتعرف وسط الجتت دي كلها على جتته الواد الغلبان ده
هي الجتت وصلت لكام نسمة دلوقتي
اشوف وشك على خير ياعم الحاج
احسن أنا مش قادر اقعد وسط الجتت دي كلها الريحه فايحه ومبهدلة الدنيا
وانا سايب الدوار لوحده

غير معرف يقول...

الزابط ابو جاموس كان عامل دورية فى زمام العزبة وهو راكب الحصان ووراة اتنين من عساكر السوارى قام شاف البقرة الضاحكة بتاكل حشيش على شط الترعة والواد عوضين بيقرا فى كتاب الدين بتاع ابنة صميدة
الزابط قال لة انت يا ولة مين اللى زغزغ البقرة وخلاها تضحك هاها هاها
عوضين قال لة واللة ياباشا وايمان المسلمين البقرة الضاحكة بتضحك كدة لوحدها على طول
وعلى طول الزابط اتمتطع وسفخة قلم يرن
وقال لة انت يا واد من الاخوان انت معك كتاب بتاع الجماعة المحظورة هتروح فى داهية يا ابن الكلب
واللة يا باشا البقرة هى اللى بتضحك لوحدها وساعات بتقول لافشكيرى والكتاب بتاع ابنى صميدة
الزابط صرخ يبقى صميدة كمان دة اخوان اخرتكم سودة

Abd El-fatta7 يقول...

تعذيب ايه ونيلة ايه اللي بيقول عليها العيال دولم
هم مش عارفين ان تجربة العزبة في حقوق الانفار مثل يحتذي بيه في كل العزب
والمصونة الكبيرة تاعبة نفصها عشان حقوق الطفل والمرأة ودايرة تلف الدنيه عشان تجيب حقوقهم حرام عليكوا ياعزبه كفاية افترا

"جمعية أنفار المستقبل"
عزبتنا بتتزبط بينا"

Abd El-fatta7 يقول...

نست اقول جمال بيه علي عنوان الدوار يتاع الجمعية جمعية انفار المستقبل
www.klamxklam.blogspot.com

حسن ارابيسك يقول...

حبيت أكون أول واحد في البلوجرية يقولك كل سنة وانت طيب بمناسبة عيد الأضحى المبارك

غير معرف يقول...

ولاد الصرمة
العيال الهفأ اللى وشهم اصفر من الكدب بتوع حقوق الانسان وحقوق الحريم اللى واجعين دماغنا بحقوق الانسان والتعذيب - البهايم دول - مش فاهمين اننا بندرس فى الشرطة - اننا معندناش بشر ولا انسان - وانما فية جاموس ابيض
الزابط من دول ما بيغلطش لما ينادى على واحد زى جدة او عمة ويقول لة تعال هنا يا ولة او يا جاموس ابيض ولما يحب يتكلم بلطف يقول لة يا طور اللة فى برسيمة
شعب بهايم -من عينة جاموس ابيض - مينفعش معاة غير ضرب الصرم - وبعدين يقولوا تعذيب
طيب اية رأيك وايمانات المسلمين فية زابط كان بيقلع شعر طيز واحد متهم ومفلقسة ويشتم فية يا ولة يابن الوسخة الشعر دة طالع هنا لية يرد المتهم واللة ياباشا طالع غصب عنى ها احلقة
دى حقيقة واللة شفتها للاسف والاسف المرير انها حصلت فى بلد حضارة السبع تلاف سنة
فهمت يا جاموس ابيض لية بنعذب
لانهم مش بشر
البشر هم المثتثمرون والسياح والاجانب
عالم ما بتفهم الا بضرب الصرم

د/اجدع بنوته يقول...

ايه الرعب ده .. ياابا الحاج يامرعب انت

فعلا اسلوب ولا اروع والله وحسستنى انى بشوف فيلم

شىء م الخوف بس 2007 ايدشن

يرضيك ياعمده ... لا لا لا

عبدالرحمن فارس يقول...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

غير معرف يقول...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

غير معرف يقول...

العزبة خربت
المصاريف كترت فى عزبة الحاج - اصل بدل الغفير عندنا الفين من الغفر بيلفوا صايعين فى داير الناحية يقفلوا قهوة والا يضربوا افندى هزؤ من بتوع الكفاية والجراية وابويا الحاج عايز ايراد لخزنة العزبة يقوم يعمل اية - راح للمجلس فى المندرة وعلى المصطبة وقال لهم - عايزين نفرض ضريبة على لا مؤاخذة على المداس - اللى يلبس بلغة يدفع اتنين جنية واللى يلبس قبقاب يدفع جنية واللى يلبس جزمة دة يبقى مثتثمر ويدفع ضريبة عشرة جنية
واللى يحلق شعرة يدفع ضريبة حلاقة خمسة جنية- واللى يستحم يدفع ضريبة حمة 3 جنية
والحاج فرحان وبيقول هى دى القوانين اللى تخلينا نزود عدد الخفر
امال

غير معرف يقول...

هلبت ما انتوا فاكرين ان جناب الحاج فاضيلكوا ولا فاضي لمشاكلكوا واللي بيحصلكوا؟
لالالالا الحاج من يوم ما قب علي وش الفته وعرف طريق كفر الشيخ ولا شرم الشيخ دي وهو خلاص خرج من جلده ونسي اهل عزبته وولاد بلده
هو ماله ومال براغيتكوا وقرفكوا؟
ودلوقتي بقي منك يا واد انت وهو للعواطلي ورجالته
اه يا بلد مافيكي راجل يترد عليه

غير معرف يقول...

براغيت الكفر

البراغيت فى الكفر بتاع الحاج - كل شوية بتسأل - امال ابو جلد تخين راح قين
برغوت بيحلف انة فى الشرم وبرغوت بيحلف انة ماعرفش ياخد من دمة ولا نقطة دم واحدة - جلد حلوف - والا جلد بقرة - تخين من كتر النوم على الحصيرة

غير معرف يقول...

تحية أهل الجنة سلام

السلام عليكم معشر أهل الكفور ..

كنت هنا فوجدت أدب من نوع خاص ولكن مستصاغ ومضحك حد الأنبطاح ....

تحياتي إلي عمدة العزبة

كن بخير

غير معرف يقول...

من ناظر الزراعة امين ابوظبة تبعبا العزبة بطلت تزرع قمح والكلام الفاضى دة احنا دلوقتى بنزيد المساحة المزروعة باللبانجو والحشيش لتوفيرهم لشباب العزبةوبنحاول نرخص الاسعاروتبعا انا حققت طفرة(دى غير البفرة بتاعت اللف)يعنى سعر البكتة 10 جنية بس يعنى الباكتة ارخص من اتنين كيلو قمح يابلاش وادينا نعمر الصحرا ونعمر دماغ الشباب فى العزبة

غير معرف يقول...

READY_4_DITH
صرخ مصدر مسئول ان السيد/احمد بك عز مللك الحديد بالعزبة قد قرر ترشيح نفسة لرئاسة الجمهورية (ااقصد عمودية العزبة)هذا وقد صرح مصدر مش مسئول لوكلات الانباء يعنى رويتر والشرق الاوسطوالفرنسية وكمان الهندية ان احمد بك عز قد صرح انه لو مسك عمدة هيخلى طن الحديدارخص من طن اللحمة يعنى حسبة 1500جنها بص وتعالى بص
ومن جنبا لانوكد ولاننفى هذا الخبر

مواطن مصري يقول...

طيب يا با الحج
الواد
محروس جالي مضروب ع قفاة
و بيقولي عذبوني و ضربوني
اعملة اية قلتلة اخرس يلا دة مفيش تعذيب قام قالي ضربوني و قاعد
بيلطم


اعملة اية عمدة

هموم مواطن يقول...

يا جماعة التعذيب الى بيحصل داا بامر الحاج ابو جمال عشان يعود الشعب على الصبر وانة يكون شعب قد المسئولية

Unknown يقول...

شركة تنظيف بالاحساء
شركة مكافحة النمل الابيض بالاحساء
شركة مكافحة حشرات بالاحساء
شركة عزل خزانات بالاحساء

abo-bder يقول...



شركة تركيب اثاث ايكيا بالرياض
تركيب ستائر بالرياض
شركة تركيب ستائر بالرياض
شركة تركيب اثاث ايكيا بالرياض