07 نوفمبر 2007

العزبة تمضى فى طريقها نحوحاضر رائع و مستقبل أفضل


الحاج جمال بيه فى ختام مؤتمر قعدة السياسات وحزب الهلاهؤة الوطنى العزباوى


العيش والبتاو أساس العدل الاجتماعى وتوفيرهم للمواطن محدود الدخل هو أساس سياسة الحاج




الحاج يقولها دون وجل:


أطالب الحزب والحكومة باتخاذ خطوات جادة لجذب الاستثمارات للعزبة والاسراع فى بيع أراضى عواد


تدعيم قطاع الزراعة بتوفير قروض جديدة للفلاحين ومضاعفة الفوايد ع المتأخرين وحبس المستهبلين والسايقين اللبط


الحاج يطالب بسرعة الاسراع فى تسريع المخاطيط الاستراتجية لتوسيع كردون المبانى فى الارض التى يملكها سيادته وقفل الاحوزه فى المناطق الخاصة بعيلة ابوسماعين




واستكمالا للمسيرة


جمال بيه عمدتنا يعد بالنظر فى موضوع توفير الصرف الصحى الحقيقى بدلا من الطرنشات


الحاج يدعو لاعادة النظر فى سياسات تسعير الكبد والكلاوى اللى بيتبرع بيها ابناء القرية ويعد بالنظر فى تعديل مرات الحد الاقصى للتبرع بالدم مقابل فلوس التى تدر دخلا جيدا على فقراء القرية


الحاج يعلن انه لا عودة عن دعم قطاع تسفير ابناء العزبة رغم منع الهجرة غير الشرعية ويعد باعادة النظر فى سعر الفيز المضروبة وسيضرب بمرزبة من حديد على يد من يخالفون هذه التسعيرة




ويعد


عوائد خصخصة الوحدة الصحية ووابور الطحين والمعدية والفرن الآلى وسنترال العزبة سنستخدمها فى تمويل عملية دهان الدوار وشراء وحدات اضاءة جديدة للشارع اللى فيه الدوار ونقوط سبوع ولى العهد المنتظر باعتبارها مشروعات قومية ذات أولوية بحسب توجيهات الحاج




الحاج فى ثوب الوا ثقين


سنواصل اشراك القواعد العريضة فى الانتفاع بمنافع الاستنفاع الخصخصى




تساؤلات للمستقبل


طرحنا رؤية لمستقبل العزبة فهل هناك سبيل لتحقيقها رغم التحديات


نجتاز مرحلة استتقالية من خلال الاصلاح فكيف نتغلب على تحدياتها


اقتصاد العزبة تجاوز مرحلة الركود فأين نحن مما كان ايام الحاج الكبير


قطعنا شوطا كبيرا وبخطى واثقة فما هى خطواتنا المقبلة كى نتقدم نحو المستقبل


سنوزع ثمار التنمية بالعدل على كل المواطنين بعد ان يحظى احباء الحج بما يستحقون


سنرتقى بالخدمات المقدمة للمواطنين وسنطور الكتاب وسندعم الصيدلية بادوية الضغط والسكر باسعار مقبولة للجميع




الحاج للمغرضين


نرفض اى تدخل فى شئون العزبة


عبرنا معا المنعطف التاريخى الذى تمر به منطقتنا دون ان تصيبنا العاصير ولم نقبل بضغط ولا دياولو


حفظنا استقرار العزبة وامنها وضربنا بيد من حديد على الخاسئين وشمطنا المتمردين


سنقيم محطة نواتية لتوليد الطاقة فى العزبة باذن الله عما قريب




هناك 7 تعليقات:

مختار العزيزي يقول...

وسيتم جمع محصول البلح قريبا تمهيدا لفرزه واستخراج النوي منه لإعادة تجهيزه مرة أخري من أجل محطة الطاقة النووية. ونهيب بالسادة ملاك النخل باستهلاك كل البلح الموجود لديهم مع الاحتفاظ بالنوي من أجل المشروع القومي الزاهر.

الحاج ... جمال ... أم المصريين

Epitaph يقول...

انا قلبي انشكح بعد التصريحات اللوزعية دي

الله
الوطن
جيمي

الأستاذ جمال بيه يقول...

ايه يابنى هو انت ف ميكروباظ من بتاع الجيزة
قلنا الشعار الله العزبة الحاج
وهنعديهالك يا شاهد القبر
قبر يلمكو عزبة هم ما يتلم

آه قبلما انسي
هو مين الجعر ابن المتلومه اللى عمال يلسن عليا ويقول انى ورا تسفير الشبان اللى غرقم فى بحر السياح الازبوع الفايت

شكله حد فيكم يا عرر
طلاق تلاته م المصونه
اللى هايقع تحت يدى هاشمطه
هاشمطه يا عزبه وانى يمينى ما ينزلش الا لما بيضة الديك تنزل

وقد ازعر من انعر يا بلد

dr.Roufy يقول...

أنا هاعيط ..من كتر التأثر والانشكاح ياسي جمال بيه
ايه التصريحات اللولبيه دي
ربنا يخليك لينا يا كبيرنا وتشمط المغرضين كمان وكمان

viva_egypt555 يقول...

wallah kletna mabsoteen mn tsre7at el7ag w ngl el7ag w rbna yg3lwh 3amr b7es el7ag w ykml mshrw3 eltrnshat 3li 7`ir 7km el3ial 3ndna 3ndhom b3d elshar 3n elsam3in w elqrein eshal

حسن ارابيسك يقول...

على فكرة انت المراسل الوحيد اللي بثق في تغطيته لكل أحداث العزبة المنهوبة
تغطية جامده قوي بالبطاطين واللحفة وورق الجرايد على جثمان العزبة

عمر افندى و ابوه يقول...


انا و انتى القدر جمعنا على غير ميعاد فى المكان ده و باللون الاحمر اللى بيعبر عن مكنون حبى و هكذا من الكلام اللى
بيثبتوا بيه البنات...

خلينا مع الصور اللى كشفته و و هو لا يعلم ان هناك كاميرا تراقبه و تراقب تصرفاته

تابع

قصة حب

عمر افندى على موقعه


www.omarafandy.com