06 أكتوبر 2007

عفوا ... النور قاطع في العزبة النهاردة



لا مؤاخذه يا اخوانا
النور قاطع ف كافة آرجاء العزبه النهارده
وقانا الله والكل كليله شر المستخبي وضلمة العقل
وبالمناسبة العتمة دي
قرر فخامة العمده المبجل جمال بيه اعتبار اليوم كأن لم يكن
آي ورحمة ستي سريه الله يبشبش الدبشه اللي جوه راسها كأن لم يكن
هو جاللي أقول كدة وكلام العمد لا يرد
وهاتتعوض بإذنك انت بس يا رب

ملحوظه حطوها حلقه في وداناتكم
انقطاعة النور عن العزبه ملهش أي علاقة باحتجاب الصحف عن الصدور في العزبه المجاوره
احنا أساسا يا عالم مابنقراش
وبطلوا تشنيع واشاعات بقي
مش كفايه انكم هولتم من موضوع وعكة البيه العمده
وقلاو ياللي تنخرس لسانتكم النجسه دي فين العمدة بيناته مات وشويه تعب وكانت الحكايه كلتها كلام ابن عم حديت لا يودي ولا يجيب واهو العمدة ظهر بكامل لياقته المدنيه ف دورة آبو جالوص الرمضانيه
النور جاي متقلقوش
ه هاتققولو طب ولزمته ايه بقي البوسط الخره ده طالما النور قاطع
هارد بالصمت الجميل وهاسيبكم تهرو كده يا عزبه فقر

هناك تعليقان (2):

zenzana يقول...

كفاية نور البيه ع العزبة
ولو انى سمعت اوشاعة ان هي من امتي كان في نور في العزبة

اهو برده رحمة م الدبان ابن الدبان الملموم علي خلقة البيه جمال
زي ما بيتلم علي ...وﻻ بﻻش احسن دي فيها شمط

غير معرف يقول...

ألم يقل حسني مبارك منذ سنوات أنه ضد حبس الصحفيين و مع قانون يمنع حبسهم ؟!

"إن كان الرئيس قد ٱوفى بوعده فلماذا يحبس عيسى ...وإن كان قد خان الوعد فلماذا يبقى رئيسا."

يوسف