03 مايو 2008

كل سنه وانت طيب يا حج

يوم أن ولدت العزبة ‏..‏ من جديد

صراحته ترياق أفقنا به من وهــم طـــويل‏..‏
وواقعيته صمام أمان لحلول الأزمات
بقلم: شفيق أبو ضب


من حق آهل العزبة الشرفاء الغيورين علي وطنيتهم أن يعلو اليوم صوتهم فوق أصوات صدعت رؤوسنا نضالا وكفاحا‏,‏ ادعاء وبهتانا عبر الفضائيات وفي المنتديات‏,‏ وجرت بأوهامهم أقلامهم علي صفحات الصحف التي أصدروها من أجل أغراضهم‏.‏

فاليوم هو يوم عرس للشرفاء الوطنيين من أبناء العزبة‏,‏ يسترجعون بكل العرفان والتقدير والامتنان والاحترام مسيرة رجل خرج من بين صفوفهم‏,‏ نذرته الأقدار لمرحلة حاسمة في تاريخها‏,‏ ودفعته المقادير لخوض معارك الانفلوسه وطرد ولا ابو سماعين وكل الغجر من عزبتنا الامنه سيدة العزب الشرقية

اليوم هو الرابع من مايو‏,‏ يوم ميلاد عمدتنا‏.‏

ولد يوم كانت عزبته ضيعة بتانونية تكافح من أجل الاستقلال وإنهاء احتلال طال مداه‏.‏عايش في سني حياته ظروف المد والجزر في الحياة السياسية العزبجية وسنوات الصعود والهبوط والنصر والانكسار‏.‏

خبرات طويلة تراكمت وسنوات طويلة مضت قبل أن يحمل عنا مسئولية قيادة بلد كانت في خطر‏.‏

وفي يوم من الأيام سقط الحج الكبير غدرا بيد البتنجان الأسود‏.‏ كانت العزبة في تلك اللحظات تترنح تحت ضربات تلك الشرذمة من الإرهابيين الذين اغتالوا شيخ الغفر العظيم ونشروا الرعب في أرجاء العزبة الآمنة ‏‏ وهددوا أمنها ومستقبلها‏,‏ وكادوا يطفئوا وهج العطاء الحضاري لها ولأهلها‏.‏

دفعت الأقدار بفخامة الحج إلي مقدمة الصفوف ليقيل عزبة من عثرتها‏,‏ ويمنع سقوطها بين يدي قوي الظلام المتربصة بكل عقل سو ي وبكل وجدان ومزاج عالي‏.‏ وليقود عزبته في طريق شاق وطويل من تحرير ما تبقي من أرضها‏ ‏ وأعاد للعزبة سيادتها كاملة‏,‏ إلي مواجهة حاسمة لمشكلات كانت قد تراكمت فتشابكت وتعقدت‏.‏

في ذلك اليوم ولدت عزبتنا من جديد‏.‏

ولدت حين اندحرت قوي الإرهاب بمؤسسات العزبة القوية التي أقامها الحج بفلوسه قوية قادرة بالإرادة والشمط علي أن تستأصل ذلك الوباء الأسود‏.‏‏

ولدت حين بدأنا عصرا من النهضة والعمران والبناء‏,‏ وعصرا من الحرية والتطور الجاموسراتي‏

ولدت يوم عرفنا طريقنا إلي ما نحن فيه اليوم‏.‏

لايحتاج منا الحج أن ندافع عما وعد فأنجز‏,‏ وعمل فأعطي‏.‏ ولكننا نحتفي اليوم بما حققناه تحت قيادته‏.‏

نحتفي بسجل طويل ومشرف من الإنجازات به ومعه‏.‏ فالرجل الذي ولي الحكم ورؤوس كبارات العزبة يرزحون في أغلال الحبس والاعتقال فأطلق سراحهم وظبطهم وتجاوز كثيرا عن مساوئهم ليس بحاجة إلي من يدافع عنه‏.‏

والرجل الذي ولي حكم العزبة وليس فيها مرفق واحد لايعاني وهنا أوضعفا‏, لا ساقية شغاله ولا طابونه عمرانه‏ له فيما نحن فيه اليوم شاهد علي روعة الأداء وعظمة الإنجاز‏. العزبة التي وليها الحج كانت شبه عاجزة عن تدبير فاتورة الغذاء لشعبها‏,‏ ‏ هي اليوم بعد سنوات حكمه في عيشه هنيه وفرحه نيه وسعادة متنيه‏.‏

الحال اتغير ولدينا قائمة طويلة من الإنجازات يصعب حصرها أو حتي الإشارة إليها جميعا في هذا المقال‏. لذا سنبث طوال اليومين القادمين تقارير مفصله عن الانجازات وسيذاع فيلم الناصر والرصاصة لا تزال في رجلي‏

عرفه اهل العزبة وخصوصا اكابرها منذ بداية عهده واقعيا وصريحا‏,‏ وهما صفتان كانتا من الفرائض الغائبة عن الخطاب السياسي العزبجي زمنا طويلا‏.‏ كانت صراحته ترياقا أفقنا به من وهم طويل علي حجم ما لدينا من مشكلات‏.‏

وكانت واقعيته صمام أمان لحلول لتلك الأزمات‏.‏

لم يغامر بمصير عزبته يوما ولم يقايض علي مصالحها بفدادين الدنيا‏.‏

سوف يظل الحج جزءا عزيزا من تاريخنا المعاصر في قعوده وسلامه‏.‏ فهو جزء من التاريخ المعاصر لنا في سنوات الانكسار والبناء والانتصار فوق الرمال في الصحراء وتحت أشعة الشمس الحارقة‏.‏ وسوف يظل رمزا لوجودنا وجهودنا علي مدي سنوات مضت‏.‏ وجزءا من ضميرنا الوطني في مواجهة الأزمات‏.‏ وراية نهتدي بها في مساعينا وتحقيق أحلامنا بالعبور إلي الأمان والاستقرار لأجيالنا القادمة‏.‏

سيادة الحج كل عام وأنت بخير فمادمت بخير فإن العزبة وشعبها بك ومعك بخير دائما‏.‏


هناك 9 تعليقات:

جبهة التهييس الشعبية يقول...

والله يا ريتهم كتبوا كلام كده
على الاقل كلام له راس ورجلين ومفهوم
انما بسبس ناو كتب يقول: والسنة الجاية نقول لك عايزين وعايزين

غير معرف يقول...

المقال بتاع ابو ضب هوه هوه المقال بتاع الاستاذ سلامه سرايا اللي في الاهرام
ايه يا استاذ هو النقل وش كده

الأستاذ جمال بيه يقول...

لا والله يابو الكباتن
هو تقريبا يعني
ولا اقولك الكدب خيبه
انا وهو ناقلين من نفس المصدر
حضظابط بعتلنا المسودة وقال ما تنسش تغيرو وتبدلو وماتنقلوهاش زي ماهيه زي العبط وتفضحونا
بس كلمة في بقك
لما بنغير بيقعد يهزأ فينا ولما بنحطها زي ما هي بينبسط اصله بيحب كلامه قوي

appy يقول...

ايه الكلام الملخبط ده والعزبه اللى هواها بحرى دى
هو يعنى حرق دم عند نوارة وهنا طيب ماشى هعمل حمله مقاطعه
يا جمال بيه
الراجل قال هيعمل فى البرنامج الاستنخابى من زمان شقق للشوباب اللى هو احنا
قوم ايه عزوووووو غلى الحديد قوم ايه اعتذر الراجل بس بطريقه تانيه اللى هى خلى الشقه 54 متر ازاى متفهمش وغير كده قالك مع ارتفاع الاسعار
مش هنقدر نوفى بالوعد
واعتبرة وعد وراح

مصر هى أمى يقول...

شوفت بقى هدية عمك الحاج لاهل العزبة بتاعته
اداهم 30% علاوة
بس اتارى ان احنا شعب فقرى ومبطمرش فينا قمنا فكرنا نعمل اضراب عن العمل والبت صابحة مرحتش حلبت الجاموسة الصبح والواد عوضين حلف ميت يمين ماهو نازل الغيط النهاردة بمناسبة عيد ميلاد العمدة

طبعا العمدة زعل من اهل القرية اللى مش حابينه
راح طاسسهم زيادة اسعار تخليهم يصوتوا وبقى اسهل على الواد عوضين انه يخنق عياله ومراته وينسى حكايه انه يولع فيهم لان البنزين غالى

ربنا يكرمك يا ابا الحاج ويخليلك المحروس اصحابه

viva_egypt555 يقول...

كل سنه والحاج بخير وربنا يديله الصحه مليون سنه رغمتن عن كلام كل الحاقين دا انا جابلت واحد امريكانى جللى انهم بيحسدونا على الحاج وابن الحاج وخيره اللى مغرقنا جولتله ايوه لدرجه ان احنا مش عارفين نودى الخير فين بس فيه شويه ناس حسبه 79 مليون وشويه مش عاجبهم اللى بيعمله الحاج بس دول الحمد لله جله مندسه واحنا الحمد لله مبسوطين وبندعى له

tamer.sala7 يقول...

كلامك ده تقريبا كدة نرفز الريس وخلاه رفع اسعار المحروقات
الهي ربنا يحرقه هو وابنه قادر يا كريم

غير معرف يقول...

من القلة المندسة
الواد ابو وش اصفر اللى هو خدام السرايا مش اسمة برضة اسامة سرايا
يا راجل
دة باين علية ابن السرايا الصفرا بتاع المجانين
بيقول على ابوك الحاج انة احسن من عمر بن الخطاب اللة يقطع السرايا والكل كليلة
هو الجورنال دة مين اللى بيشترية
مش بتوع السرايا برضة قصدى سرايا المجانين
ابوك الحاج اليومين دول لابد فى الشرم اصل فية فوج سياحى من كفر المانيا جاى ومعاهم شوية حريم لابس مايوهات مسخسخة قوى وابوك الحاج عنية هتبص برة من البحلقة فى مايوهات الحريم
اللى ابوك الحاج بقى لة فترة ما سفرش بلاد الفرنجة يشد وشة ويصبغ شعرة ويركب طقم اسنان لية
الولية القرشانة بخيتة العمشة بتقول ان اللى زية بقى لهم فى القرافة سنين طويلة
هو ابوك الحاج هيموت امتى
فى شهر مسرى مع الحمير

شركة المثالية لتنظيف يقول...

شركة تنظيف منازل بالدمام
شركة تنظيف منازل بالخبر
شركة تنظيف منازل بالظهران
شركة تسليك مجارى بسيهات