28 ديسمبر 2008

العزبة ليست معرصة، وأبدا لن تكون.. والحج ما ينقالش عليه كده

كالت الأقلام الماشبوهه النقد لسيد العزبة وقائدها ومجلس خفرها، واتهمتهم بالعمالة للعزبة إياها اللى جنبينا اللى محتلينها ولاد الاسمه إيه. عيب والله العظيم عيب يا بلد. الكبير مش نتن ولا وسخ ولا لا سمح الله عرص للدرجة دى، زى ما انقال وانكتب على حوايط البلد.

كل ما فى المحدت يعنى إن المرة لما جت وطلبت اللقا، وانتم عارفين اللقا نصيب، كان لازمن وحتما اوافق، عشان المصلحة، وعشان كمان أراضى العزبة اللى جنبينا ما تروحش كده، واعلنت وقلت وانكتب عن لسانى ان البيه حذر وقال، وعاد. طب العيبعلى مين بقى.. العيب - يا صاحب العقل منك له - على اللى ما سمعش التحذير وكابر. أيوه.

المدبحة اللى جرت امبارح دى دى مالناش فيها، عملنا الى علينا، وقلنا هانفتح ممرات انسانية للى ينصابو واللى يتعورو، لكن ما نتدخلش، نتدخل ليه، ما هو لما جينا نتدخل قبل كده الجماعة ولاد ابو حماسه فشكلوا الحوار، واتهمونا ان احنا بنعمل عليهم ملعوب، ملعوب ايه يا مقاطيع، اهو، ودلاديلهم مستغلين صورة يعنى للحج بيقابل المرة اللى هاتمسك عمودية العزبة اللى جنبينا (مبروك النسوان بقت عمد، هللوا وكبروا)، وعمالين يقولو اهو العمده بيعرص، العمده بيبيع اخواتنا للعدا، ده كلام مايتردش عليه غير بالشمط، وهاجيب اللى انسحب من لسانه وقال كده، وبعدين ماله يعنى إن حمد الغيطى الجدع الدلبوماسى بتاعى يسندها، المره كات هاتنكعبل فى القناية، يسيبها لما تنوحل، لا طبعا ما تنوحلش، ينوحل ولاد ابو حماسه واللى جبهم راخر.

هاتقولولى كلامك مش واضح يا حج، مش فاهمين، وهو فيه جديد، طول عمركم كده والبهايم البكم بتفهم احسن منكم، بس اقول ايه مانتم قدرى.. هحاول افهمكم يا عزبة الهم.

أولا ولاد ابو حماسه نطرو عباس من الارض اللى خدها من ولا دا لإيه الحج عرفه طيب الله ثراه، زى مانتو خابرين، واشتغل فيها بمساعدتنا وعمله كام سبوبه ومربط حمير والذى منه، ولاد أبو حماسه وعائلات تانيه فى البلد قالوا ده عباس وشوية الحرامية اللى لاممهم حواليه، زحلان وخريان واللى زيهم هايطرمخو على حقوقنا وعلى اراضينا المنهوبة وعلى ارواح ولادنا اللى راحو عشان نرجعها. آنى ما عجبنيش الكلام، عباس راجل من رجالتنا، وشريكى فى الطابونة القبلية زى ما انتو عارفين، وراجل، على الطلاق م المصونة راجل، قوم الواد ابن هنية قالب على عباس وطارده م الارض وعملى فيها عمده، فاكر ان العمودية بالساهل، ولا يمكن هى بالساهل، يمكن بالساهل وانا مش عارف ونايم على ودانى.

المهم جونى ولاد العم قالولى يرضيك يا عمده، قلت لا لا لا لاه، قالولى انفاق يا عمده، قلت نهدها، قالولى حصار يا عمده، قلت نحاصر وماله، قالولى اتدخل وصالح يا عمده، قلت اصالح.

المهم وانا باصالح دولم على دول، ابن هنية عمل فيها دكر، وعباس كان خايف وقلقان، وولاد العم عاوزين عباس، عشان مريحهم وعشان راضى بقليله وراجل كمل يعنى وماتطلعش من بقه العيبه، وكبر وبقى مش غاوى تنطيط ونقرزه وقلة ادب بيسموها قال ايه مقاومة. لا القعدة عندى فى العزبة ولا الرجاله اللى بعتهم للعزبة اللى جنبينا نفعوا، قلت لابن هنية ما تاكل عيش يابن هنية وخلينا عايشين، عاجبك يعنى اللى جرى للعمدة ابو حسين يعنى، قاللى يا جناب العمده احنا لينا حق ومش هانسيبه، قلتله اخد الحق حرفه يا خايب ... ماتبقاش حمقى ، ماهو محدش هايديك حاجه بالطريقة دى، قاللى مابنشحتش يا طيب ده حقنا، قلتله اتعلم طب من عباس، قاللى علام عباس واللى شبهه ده هو اللى ضيع ارضنا، قلت له طب خف شويه من الهجوم على زرايب ولاد العم، قاللى هو ده اللى حيلتنا، ما عندناش غيره، وبعدين يعنى تجريدة الغفر بتاعتك عندها أوامر تبعد، أعمل ايه أنى بقى، قلتله له هايبهدلوكم يابن هنيه، وغفرهم هاينزلوا عليكم يدبوكو العقلة المتنية وساعتها انى مش هاتدخل، قاللى كانك بتهددنى يا عمده، قلت له افهمها زى ما تفهما يا ابن هنيه، واوعى تفتكر الشيخ سعودى هاينفعك، ده حلنجى زيه زينا قاعد ياكل عيش، وهو بيزقك لمصلحه، والمنجد بتاع السجاد برضو مش هاينفعك، ولا حتى سيد أبو أسد، كلهم بيستخدموك يا عبيط عشان يخففو الضغط اللى عليهم. قاللى بلا يستخدمنى بلا ينيلنى، هى لعبه يا حج، دى ارضنا وراحت .. راحت يا عالم، وانت ماترضاش بكده، يا عمده يا كبير احنا صحاب حق، بس لازم تظبط نفسك بحيث ما تنحسبش على حد، هب فى وقال دى مشاكل بينكم ما تحشرنيش انى فيها، انى غلبان وماليش فى الشغل بتاعكم ده، م الاخر، اللى هايدينى نبوت ولا لقمه لرجالتى يبقى حبيبى، انما حساباتكم ومشاكلكم خلوها، ما تبعتوهاليش، إنتو كبار العبو مع بعض، انا مشكلتى صغننه، أرضى، قلتله ما فيش مشاكل ولا حاجه ربنا ما يجبش مشاكل، وهو حد هايفرط فى الارض يعنى، انى معاك بس انت عامل ازعاج وولاد العم نسايب الباشا الكبير وانت عارفه إيده طايله، قاللى ما أوخذ بالقوة لا يسترد إلا بالقوة، قلتله وتضرب اخواتك، قاللى عباس واللى زيه ما ينفعوش يبقوا اخواتى، دول شغالين عند ولاد العم، دول دلاديل يا عمده وانت مقويهم علينا ليه مش عارف. قلتله ما قرايبك برضو قرفينى يا ابن هنيه . قاللى يا حج دول ناس عزبتك، من حقهم يقولو اللى شايفينه صح ويشاورو على الغلط ويقولو غلط، هبيت واقف وقلتله غلط، غلط مين ويشاور مين يا ابن هنيه، المقابله انتهت يا خويا وابقى ورينا مرجلتك بقى، قدامك يومين يا حبيبى مافيش غيرهم و المره ام ليفه بلغتنى الخبر وقالتلى اعمل حسابك، وانا بصراحه اديتها الاذن، انت لوحدك يابن هنيه

قاللى ربنا مع المظلوم والغلابة جابر يا حج

سلام

قلتله فى ستين ياخويا

اهه عدانى العيب وقزح يابلد ولا برضو يقولو ماقلتلهمش، طب على الطلاق ولا ليكو عليا حلفان أنى برضو قلبى رق للعيال والنسوان والغلابه اللى هايروحو ف الرجلين، فقلت للمره ام ليفه، يا ست الكل يعنى لو تخليها علقه محدودة وتقبضو على ابن هنيه وشويه من الاضيشه وتلبوهم العلقه المعتبره هاينكنو وتفضوها سيره، قالتلى ايمبوسيبل يا جراند، دول ولاد مره لبوه واحنا هانربيهم كلهم، قلتلها كلهم، قالتلى ايوه كلهم كبيرهم فى صغيرهم، مش هانعتق، قلتلها تقدرو النهارده بس بكره الكل هاينقلب عليكو، قالتلى البركة فيك يا عمده، امال احنا بندعمك ليه، قلتلها يعنى ايه بتدعمونى، انتى هاتعيرينى بالكام ملطوش، ولا بالعباية الجوخ اللى جبتهالى، قالتلى عيب يا عمده، احنا بنراهن على حكمتك. والباشا بيمسى عليك، بصراحه كده لما سيرة الباشا هبطت على القعدة، نزلت على الحوار بردا وسلاما، اى والله بردا وسلاما، ولقيتنى باسلم عليها وباقولها باللاوندى اوكى مسز ليفه. وزعقت فى حمد الغيطى وقلتله قوم يا نطع وصل الهانم.

طب بعد كل ده يقولو على العمده معرص
يرضى مين ده
يعنى بعد كل ده انى معرص

واللى عملته ده ينسمى تعريص
بقى دى اخرتها يا عالم
انى ينقال عليا معرص


اخس يا بلد

هناك 13 تعليقًا:

TAFATEFO يقول...

رهييييييييب

رغم انك منحاز .. وفي جانب كبير من الحدوته (إن صح التعبير) أهملته .. ومجبتش سيرته

ورغم اني بدأت أقتنع ان دي مؤامره وسخه حماس طرف فيها

بس البوست رهيب

TAFATEFO يقول...
أزال المؤلف هذا التعليق.
TAFATEFO يقول...

أنا من المقتنعين بخيار المقاومة لاسترداد الأرض .. بس فين المقاومة؟

الوضع والمجزره الحاليه لن تنتهي إلا باستعادة التهدئة أو طرد حماس أو انتصار حماس على إسرائيل .. 3 خيارات ملهمش رابع .. انتصار حماس على إسرائيل كان حلم أو وهم قبل خطاب هنية ومشعل .. وبعد خطابهم بقى لا حلم ولا وهم ولا حاجه أصلاً

استعادة التهدئه .. يبقى كان ايه لزوم الدم؟؟ حماس رفضت تمديد التهدئة .. يبقى الدم ده كان قربان كرسي رئاسة الوزراء لليفني .. وتبقى دي مؤامرة مشتركه فيها حماس .. انتصار إسرائيل وطرد حماس وان كنت لا أتمناه ولا أتخيل إمكانية حدوثه لإقتناعي التام ان اللعبه ليها حسابات أكبر من كده .. لكن هيبقي على احترامي لحماس

حد يقوللي الدم ده مقابل ايه؟؟ ولحسن ما أفهم كان مقابل ايه على الجانب الإسرائيلي.. فـ حماس جزء لا يتجزأ من لعبه قذره تلعبها كل الأطراف .. لعبه إسرائيليه حمساويه فتحاويه عربيه .. والثمن المدفوع دم فلسطيني

يساري مصري يقول...

معرص معرص
ابا الحج سامحني يعني حضرطك يابا الحج معرص معرص يعني و بقرنين كمان
يابا الحج منظرك بجى كيف الواد ابن بهانا المومس اللي طردناه على طراف البلد دكي النهار هو كان بيجلب نسوان و انت بتجلبلنا العار

الا جولي يابا الحج لما اعلنت في المنشور الرسمي بتاع الكفر وجولت ان دوكهما هيسمعوا الكلام و الوليه ام ليفه سمعت كلام جنابك -يا معرص- و بعديها بساعتيين راحوا دوكاهما مطرطرين على البلد باللي فيها حريقينهم
و تجولي انا حزرت
ابا الحج كفاك بجى و حل عن سمانا

إمضاء جابر ابو سماعين
يكتب إليكم من يسار الأنايه اللي على اول البلد

مراقب مصري يقول...

آني بس سؤالي بسيط، إنت جبت منين قرش الحشيش يا ابا الحاج اللي عملت بو الدماغ المتينة اللي كتبت بيها التدوينة دي؟؟

دا حشيش أصلي مفتخر يا حاج ومن زهرة الزهرة، عشت لينا وعاشت دماغك، وعاشت لينا حكمتك ومعاش ولا كان اللي يقول عليك معرص، قال معرص قال، دولت همة كلهم اللي بيتبلوا عليك يا ابا الحاج من عقدهم النفساوية، ربنا يديك طولة العمر يا بو وش سمح إنت

يساري مصري يقول...

طبعا عم المراقب من المقربين للدوار الحاكم
جاي يجول ان سعتك منتاش معرص طمعان في خبور من حشيشة الحاج
لكن لا
خليك معانا يا عمي و نديك قرعين بوظه

إمضاء جابر ابو سماعين
يكتب إليكم من يسار الأنايه اللي على اول البلد

أنا المستقبل والأمل يقول...

ياشعب مصر لقد تأخر عصر الحياة الكريمة طويلاً وإن لم نبدأ في المطالبة بتطبيق وثيقة المستقبل والأمل من الآن فإن هذا النظام الديكتاتوري الحالي أو إمتداده سوف يتمادى في غيه وظلمه وفي هذه الحالة لا نلوم أحد سوى أنفسنا ولذلك يجب أن نوحد كل الجهود والأهداف وعدم الإنصات إلى الأحزاب الوهمية التي تتصيد المواقف. ياشعب مصر لقد بدأنا فكرة الإعتصام المدني بكم فلنجعلها تستمر مرة أخرى بكم فالرجاء عدم الإلتفات إلى الأمور الجانبية والهامشية وإلى كل من يريد أن ينسب لنفسه فكرة الإعتصام المدني لأنها ببساطة فكرتنا وليست فكرة إسراء أو جماعة ٦ أبريل أو مجموعة الفيس بوك (راجع مدونة وائل عباس الوعي المصري وتحديدا في بوست صور قتيل جزاري الشرطة الطفل يوم ١٥ أغسطس عام ٢٠٠٧)

ياشعب مصر لابد وأن نبدأ إعتصام مدني آخر ولابد وأن يستمر إلى أجل غير مسمى وأن نتكاتف جميعاً حتى يتم تحقيق المبادئ الأساسية من وثيقة المستقبل والأمل والتي
نلخصها في النقاط الخمس الآتية
١) الإفراج فوراً عن كل المعتقلين السياسيين وخصوصاً من أمرت النيابة بالإفراج عنهم ولازالت وزارة الداخلية تتخذ منهم رهائن ومحاسبة كل المسئوليين الذين خالفوا أحكام القانون والدستور وفوراً

٢) إنهاء كل القوانين الإستثنائية والعسكرية من تطبيقها على المدنيين والحد من سلطات العسكريين وأجهزة الشرطة في الحياة المدنية

٣) البدأ فوراً في تكوين لجنة عليا من أساتذة القانون أوالقضاة أو منهما معاً لإعادة أو بداية كتابة وصياغة دستورالدولة ولا يكون أحدهم يعمل أو سبق له العمل في أي حزب من الأحزاب القائمة أو السابقة وذلك لوضع ضوابط ومواصفات وشروط ترشيح أو إقالة رئيس الدولة ونائبه وضوابط الهيئة البرلمانية والهيئة القضائية العليا وتحديد سلطات وإختصاصات كل هيئة بما فيها رئيس الدولة وعلى ألا تزيد فترة الرئاسة عن فترتين بحد أقصى ولا يجوز أن تجدد أو تمد بأي حال من الأحوال

٤) تكون هذه اللجنة هي النواة للجهة القضائية العليا
(Supreme Court)
وتكون ذات عدد فردي (خمسة أو سبعة مثلا) حتى لا تتعادل الأصوات عند التصويت على أمر ما

٥) لابد وأن يكون هناك إشراف دولي عن طريق الأمم المتحدة أو إحدى منظماتها للمراقبة والإشراف على سائرالعمليات الإنتخابية نظراً لإنهيار الثقة في أي نظام داخلي محايد

الرجاء من كل المصريين نساءاً أو رجالاً شباباً كانوا أم شيوخاً في داخل مصر وخارجها نشر البنود السابق ذكرها من وثيقة المستقبل والأمل وإعادة طباعتها وتداولها عن طريق البريد الإلكتروني وأجهزة المحمول وجميع مواقع الإنترنت لتوحيد أهدافنا ومطالبنا ونرجو أن تعلق على البلكونات والجدران طوال أيام الإعتصام المدني مع كتابة عبارة طبقوا وثيقة المستقبل والأمل

حينما يبدأ الإعتصام المدني الرجاء من الجميع الكف عن السلبية والأخذ في الإعتبار الآتي
١) عدم الخروج من البيوت إلا للضرورة القصوى وعدم إتلاف أو تدميرأية مرافق عامة كانت أو خاصة

٢) عدم الإشتباك أو الإحتكاك مع أفراد الشرطة وتجنب العنف والمظاهرات بصفة عامة لأننا نتعامل مع بطش ليس له مثيل

٣) شراء إحتياجات تكفي لفترة طويلة مع التركيز على مستلزمات الأطفال وتخزين كميات كبيرة من المياه والشموع لإحتمال إنقطاع المياه والكهرباء عمداً ولفترات طويلة لإجبارالناس على الخروج من البيوت وتصيدهم في الشوارع

٤) من حق كل مواطن أن يدافع عن نفسه وأهله وبيته في حالة تعرضه في مسكنه لأية إقتحامات أو إنتهاكات غير قانونية

ياشعب مصر إن الدولة في حالة إنهيار شديد فيجب ألا نشتت أنفسنا بأمور جانبية أو ننساق خلف وعود كاذبة ولذلك نريد التكاتف وعرض كل الأفكارالبناءة وشرحها للناس ليعلموا أن حل المشاكل لن يكون بمنحة بأموال مزيفة ولا بإقالة العادلي وأمثاله ولابظهور الخبز فجأة ولفترة قصيرة ولا عن طريق الأحزاب الوهمية وإنما بداية التتغيير تكون بتطبيق وثيقة المستقبل والأمل فياشعب مصر «طبقوا وثيقة المستقبل والأمل»

لابد أن نتحرك وإعلموا أن ساعة العمل قد حانت
والسلام عليكم ورحمة الله وبركاته

محمد الكومي يقول...

و انت يعني ايه اللي مزعلك يا عمتنا ماهو يامة قالوا عنك اكتر من كدة جت عالتعريص

طب ده حتى التعريص منك حسنة مش ذنب

فركشاوي ..ناوي يقول...

علي رأي فشكول ...بيقول طزطز100طز فينا كلنا...لا 100مش كفايه قولوا ورايا طزطزطزطزطزطزطزطزطزطزطزطزطزطزطزطزطزططزطزطزطزطزطزطزطزطزطزطزطزطزطزطزطزطزططزطز...101 مليون طزفينا كلنا

فهلاو يقول...

ده حتى التعريص منك حسنة مش ذنب

سلمت يمينك يا كومى

محدود الدخل يقول...

عشت للمعرصين ذخرا ورمزا يا كبير المعرصين
بس هو ليه معملتوش أجتماع طارق لجامعة الدول المعرصه
حتى كان يبقى فيه تنسيق بين المعصين كلهم ويبقى تعريص على اعلى مستوياته التعريصيه

متغيرة شوية يقول...

لأ عداه العيب وأزح

لو أهل العزبة قرا البوست كله هيعرف ان هير الحاج أبو جمال مش بس كاسينا ومغرقنا من ساسنا لراسنا
ده كمان واصل لأهالي العزب اللي جنبنا

ربنا يخليك لينا يارب

marwa safwat يقول...

شكراااااااااا
www.luxurycv.com